အကြမ်းဖက်စစ်ကောင်စီက မတရားဖမ်းဆီးခံထားရသူတွေကို ပြန်လွှတ်ပေးခြင်းဟာ သဘောထားပြောင်းလဲလို့မဟုတ်ဘဲ နိုင်ငံတကာအသိုင်းအဝန်းရဲ့ ဖိအားပေးမှုကြောင့်ဖြစ်တယ်လို့ ကုလသမဂ္ဂရဲ့ မြန်မာနိုင်ငံလူ့အခွင့် အရေးဆိုင်ရာ အထူးအစီရင်ခံစာတင်သွင်းသူက ပြောပါတယ်။
နိုင်ငံတကာအသိုင်းအဝန်းက မြန်မာစစ်တပ်ကို ငွေကြေးဖြတ်တောက်တာ၊ လက်နက်ဖြတ် တောက်တာနဲ့ တရား ဝင်မှုခွင့်မပြု(ဖြတ်တောက်)တာ စတဲ့လုပ်ဆောင်မှု သုံးခုဟာ မြန်မာပြည်သူလူထုကို အကောင်းဆုံးကူညီထောက် ပံ့မှုနည်းလမ်းတွေဖြစ်ပြီး အဲဒါတွေကို စဉ်ဆက်မပြတ်လုပ်ဆောင်ဖို့ အထူးအစီရင်ခံစာတင်သွင်းသူ Tom Andrewsက တိုက်တွန်းပါတယ်။
အကြမ်းဖက်စစ်ကောင်စီက မတရားဖမ်းဆီးခံရသူ ၅,၀၀၀ ကျော်ကို ပြန်လွှတ်ပေးတဲ့အပေါ် ကြို ဆိုပေမယ့် ဖမ်းဆီးခံရသူတွေဟာ သူတို့ရဲ့ အခြေခံရပိုင်ခွင့်တွေကို ကျင့်သုံးရာမှာ တရားဥပဒေနဲ့မညီဘဲ ဖမ်းဆီးထိန်းသိမ်းခံရတယ်ဆိုတာ သတိရနေဖို့ အရေးကြီးတယ်လို့ Tom Andrewsက ပြောပါတယ်။
ဒီနေ့အထိ မတရားဖမ်းဆီးထိန်းသိမ်းခံရသူအများစုဟာ ညှင်းပန်းနှိပ်စက်ခံရတာ၊ အချို့သေဆုံးသည်အထိဖြစ်တာ၊ အချို့လိင်ပိုင်းဆိုင်ရာကျူးလွန်ခံရတာ၊ အချို့ဟာ ကိုဗစ်-၁၉ ကူးစက်ခံရတာ၊ လူနေထူထပ်မှုနဲ့ကျန်းမာရေးမညီညွတ်တဲ့အခြေအနေတွေကြောင့် သေဆုံးတာတွေဖြစ်ခဲ့တယ်လို့ အထူးအစီရင်ခံစာတင်သွင်းသူက ထုတ်ပြန်ပါတယ်။
Public Service Announcement
