ပဲခူးတိုင်းအနောက်ခြမ်း ပေါင်းတည်မြို့နယ် သစ်ပုတ်ကျေးရွာရှိ စစ်ကောင်စီတပ်များစခန်းချထားသည့်နေအိမ်ကို ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့(PPDF)က ယနေ့(အောက်တိုဘာ၂၀)နံနက်ပိုင်းတွင် ဝင်ရောက်တိုက်ခိုက်ခဲ့ကြောင်း PPDFက သတင်းထုတ်ပြန်သည်။
ထိုသို့ တိုက်ခိုက်ရာတွင် စစ်ကောင်စီအဖွဲ့ဝင် စစ်သားငါးဦးသေဆုံးခဲ့ကြောင်း PPDF၏ ထုတ်ပြန်ချက်တွင် ဖော်ပြသည်။
ပဲခူးတိုင်းဒေသကြီးအတွင်းရှိ ပြည်သူ့ကာကွယ်ရေးတပ်ဖွဲ့များသည် အကြမ်းဖက်စစ်ကောင်စီ၏ စစ်ရေး၊ အုပ်ချုပ်ရေး၊ စီးပွားရေးပစ်မှတ်များအား ပိုမိုအရှိန်မြှင့်လုပ်ဆောင်သွားမည်ဟုလည်း အသိပေးထုတ်ပြန်ထားသည်။
ပဲခူးတိုင်းပြည်သူ့ကာကွယ်ရေးတပ်ဖွဲ့အသီးသီးက အကြမ်းဖက်စစ်ကောင်စီအား ခုခံစစ်ဆက်နွှဲလျက်ရှိရာ အောက်တိုဘာ ၁၁ ရက်မှ ၁၈ရက်အထိ စစ်ရေးပစ်မှတ် သုံးခု အုပ်ချုပ်ရေးပစ်မှတ် ၁၂ခု ရန်သူ့စီးပွားရေးပစ်မှတ် ခုနစ်ခုအပါအဝင် စုစုပေါင်းပစ်မှတ် ၂၂ ခုကို ခုခံတိုက်ခိုက်ခဲ့ပြီး ဖြစ်သည်။
Public Service Announcement
