မတူပီမြို့မှ စစ်ကောင်စီသတင်းပေးဒလန် ခြောက်ဦးအား ဖမ်းဆီးစစ်ဆေးပြီးနောက် ယင်းတို့အထဲမှ အကြီးစားဒလန် သုံးဦးကို သုတ်သင်လိုက်ကြောင်းချင်းဒေသကာကွယ်ရေးတပ်ဖွဲ့( CDF Matupi )က သတင်းထုတ်ပြန်သည်။
အကြမ်းဖက်စစ်ကောင်စီနှင့် ပူးပေါင်းကာ ပြည်သူလူထုကို ဒုက္ခပေးနေသူ ခြောက်ဦးကို စက်တင်ဘာ ၁၆ ရက်တွင် CDF မတူပီကဖမ်းဆီးခဲ့ပြီး ဆယ်ရက်ကြာစစ်ဆေးအတည်ပြုပြီးနောက် သုံးဦးမှာဒလန်အကြီးစားဖြစ်နေသောကြောင့် သတ်လိုက်ပြီး ၊ကျန်သုံးမှာကို ပညာပေး၍ ပြန်လွှတ်ပေးခဲ့သည်ဟုဆိုသည်။
CDF မတူပီ ၏ အောက်တိုဘာ ၂၂ရက် က သတင်းထုတ်ပြန်ချက်တွင် ” စစ်ဆေးမေးမြန်းပြီးသည့်နောက်ပိုင်း အဖက်ဖက်မှ စုံစမ်းအတည်ပြုချက်အရ အဆိုပါ လူပုဂ္ဂိုလ်(၆)ဦးအနက် (၃)ဦးမှာ အနီရောင်အဆင့်အကြီးစားဒလန်များ ဖြစ်သောကြောင့် (၂၆)ရက်နေ့တွင် မိမိတို့ CDF မတူပီမှ သုတ်သင်ရှင်းလင်းခဲ့ပြီး ကျန်(၃)ဦးအား ၂၀၂၁ အောက်တိုဘာ( ၇) ရက်နေ့တွင် ပြန်လည်လွှတ်ပေးလိုက်သည်” ဟု ဖော်ပြထားသည်။
စစ်ကောင်စီနှင့် ပူးပေါင်းပြီး ပြည်သူများ၏ အကျိုးစီးပွားနှင့် လုံခြုံရေးကို ထိခိုက်နစ်နာစေသည့် ပြည်သူ့သစ္စာဖောက်ဒလန်လောက်ကောက်များအား ပြင်းပြင်းထန်ထန်အရေးယူသွားမည်ဟု ဆက်လက်သတိပေး ထားသည်။
Public Service Announcement
ချင်းပြည်နယ်သည် စစ်ကောင်စီအား တစ်ပြည်နယ်လုံးအတိုင်းအတာအားဖြင့် ခုခံတော်လှန်နေပြီး ချင်းအမျိုးသားတပ်ဦး CNFနှင့် ချင်းပြည်သူ့ကာကွယ်ရေးတပ် CDFက တော်လှန်ရေးကို လက်တွဲညီညီ ဦးဆောင်နေသည်။ ချင်းတောင်တန်းဒေသခုခံစစ်ပွဲတွင် စစ်ကောင်စီအထိနာနေသလို ရှုံးမဲမဲနေသည် မင်းအောင်လှိုင်က ချင်းပြည်နယ်ကို အညိုးအတေးဖြင့် ဖိနှိပ်နေသည်ဟု ချင်းအရပ်ဘက်အရေးဆောင်ရွက်သူများကပြောသည်။
