ပြည်သူများအနေဖြင့် ဝက်လက်မြို့နယ်အတွင်း မည်သည့်လမ်းကိုမှ အတတ်နိုင်ဆုံးမသွားလာကြရန် ဝက်လက်မြို့ပြည်သူ့ကာကွယ်ရေးတပ်ဖွဲ့နှင့် မြို့နယ်သတင်းပြန်ကြားရေးက ယနေ့(အောက်တိုဘာ၂၅) ထုတ်ပြန် သည်။
“ခရီးသွားပြည်သူများနှင့် မိဘပြည်သူများအားလုံး ဝက်လက်မြို့နယ်အတွင်းရှိမည်သည့်လမ်းကိုမှ အတတ်နိုင်ဆုံးမသွားလာကြရန်အသိပေးအကြောင်းကြားအပ်ပါသည်”ဟု ယနေ့နံနက်တွင် ထုတ်ပြန်ထားသည်။
ဒေသတွင်း လိုအပ်ချက်အခြေအနေကြောင့် ထိုကဲ့သို့ကြိုတင်အသိပေးမေတ္တာရပ်ခံခြင်းဟု နားလည်ကြောင်း စစ်အာဏာရှင်ကို ဆန့်ကျင်သည့် ဝက်လက်မြို့ခံတစ်ဦးကပြောသည်။
ဝက်လက်မြို့အပါအဝင် စစ်ကိုင်းတိုင်းသည် စစ်ကောင် စီအား ခုခံစစ်ပွဲ အရှိန်မြင့်နေပြီး စစ်ကောင်စီအထိနာနေသည့် ဒေသဖြစ်သည်။ အကြမ်းဖက်စစ်ကောင်စီကလည်း စစ်ကိုင်းတိုင်းအား ထိုးစစ်ဆင်ရန် ပြင်ဆင်နေသည်။ စစ်ကောင်စီ၏ အကြမ်းဖက်မှုကို တုန့်ပြန်နိုင်ရေးနှင့် အရပ်သားများ ထိခိုက်မှုနည်းပါးစေရေး အစီ အမံများကို အမျိုးသားညီညွတ်ရေးအစိုးရ (NUG) ကာကွယ်ရေးဝန်ကြီး၊ ပြည်ထဲရေးဝန်ကြီးတို့နှင့် စစ်ကိုင်းတိုင်းအတွင်းပြည်သူ့ကာကွယ်ရေးတပ်ဖွဲ့များအွန်လိုင်းမှတစ်ဆင့် ယမန်နေ့က ဆွေးနွေးခဲ့ကြသည်။
Public Service Announcement
