မြောင်မြို့နယ်ရှိ ကျောက်ရစ်ရဲစခန်းကို PDF ပူးပေါင်းအဖွဲ့များ ဝင်တိုက်ခိုက်၍ အကြမ်းဖက်စစ်ကောင်စီတပ်သား ငါးဦးသေဆုံးကြောင်း မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ့(CDSOM)က ယနေ့(အောက်တိုဘာ၂၅) ထုတ်ပြန်သည်။
အောက်တိုဘာ ၂၄ ရက် နေ့လည်ပိုင်းက မြောင်မြို့နယ်ရွှေတစ်ချောင်းဘက်မှ ဝင်လာသည့် စစ်ကောင်စီ တပ်သား ၁၀၀ခန့်ကို PDF အဖွဲ့များက ပူးပေါင်းကာကွယ်ခဲ့ရာမှ တိုက်ပွဲစတင်ဖြစ်ပွားခဲ့သည်။
ထို့နောက် မဟာမိတ်များပူးပေါင်းကာကွယ်နေစဥ် လမ်းကြောင်းပိတ်ဆို့ထားသည့် ကျောက်ရစ်ရဲစခန်းကို နှလုံးလှလူမိုက်ကြီးများအဖွဲ့၊BGF ၊ CDSOM နှင့် MGN T.G.R အဖွဲ့မှ ပူးပေါင်းတိုက်ခိုက်ခဲ့သည်။
အဆိုပါတိုက်ပွဲသည် ၂နာရီကျော်ကြာမြင့်ခဲ့ပြီးစစ်ကောင်စီတပ်သား ငါးဦးသေဆုံးကာ PDFတပ်ဖွဲ့ဝင်တစ်ဦးကျည်ထိမှန်ခဲ့သည်။သို့သော် လက်ရှိတွင် ဆေးကုသမှုခံယူပြီးနောက် အသက်အန္တရာယ် စိုးရိမ်မှုမရှိတော့ကြောင်း CDSOMက အသိပေးသည်။
တိုက်ပွဲအတွင်း ဒေသခံ PDF များမှ AKတစ်လက်၊ M4 ကျည် ၁၅၀ ၊ AKကျည် ၃၀၀ကျော် နှင့် ငွေ ၈၀၀,၀၀၀ ဆုံးရှံးခဲ့ကြောင်း သိရသည်။