ရှမ်း-ကယားပြည်နယ်အစပ် ဖယ်ခုံမြို့နယ်တွင် အကြမ်းဖက်စစ်ကောင်စီနှင့် ဖယ်ခုံပြည်သူကာကွယ်ရေးတပ်ဖွဲ့နှင့်ပူးပေါင်းအဖွဲ့တို့ တိုက်ပွဲဖြစ်ပွားနေသည်။
အောက်တိုဘာ ၂၆ ရက် ညနေပိုင်းကစ၍ ဖယ်ခုံမြို့နယ် ကုန်းဆုံကျေးရွာအုပ်စု ကသဲကျေးရွာ အနီးတောင်ကုန်းပေါ် တပ်စွဲထားသောစကစတပ်နှင့်ဖယ်ခုံPDF နှင့်ပူးပေါင်းအဖွဲ့တို့တိုက်ပွဲ စတင်ဖြစ်ပွားခဲ့သည်။
တိုက်ပွဲဖြစ်ပွားချိန် မိနစ် ၃၀ခန့်ကြာမြင့်ခဲ့ပြီး ၎င်းတို့ရဲဘော် တစ်ဦးခြေသလုံးရှပ်ထိ(မစိုးရိမ်ရ)ထိခိုက်ဒဏ်ရာရရှိခဲ့ကာ အကြမ်းဖက်စစ်ကောင်စီဘက်မှ ထိ ခိုက်သေဆုံးမှုကို သိရှိနိုင်ခြင်းမရှိခဲ့ဟု ဖယ်ခုံPDF က ဆိုသည်။
ထို့အပြင် အကြမ်းဖက်စစ်ကောင်စီတပ်များသည် ဖယ်ခုံမြို့တွင်းအကြောင်းမဲ့ပစ်ခတ်နေခြင်းကြောင့် ပြည်သူ သုံးဦးကျည်ထိမှန်ခဲ့ကြောင်း သိရသည်။
Public Service Announcement
“ဟိုတစ်နေ့က ခမရ ၃၃၆ ကို ဝင်တိုက်ခံလိုက်ရလို့ ထိုးစစ်ဆင်မယ့် ပုံတော့ရှိတယ်။ပြီးတော့ အရှေ့ပိုင်းတိုင်းစစ်ဌာနချုပ် တိုင်းမှူးကိုယ်တိုင် စကခ(စစ်ဆင်ရေးကွပ်ကဲမှုဌာနချုပ်)-၇ ဆီရောက်နေပြီလို့ သတင်းအတိအကျကြားထားရတယ်”ဟု ဖယ်ခုံ PDF မှ တာဝန်ရှိသူတစ်ဦးက ပြောသည်။
ယနေ့(အောက်တိုဘာ ၂၇ ရက်)နံနက်ပိုင်းအခြေအနေ အရ ဖယ်ခုံ-ရွှေပြည်အေးလမ်းလမ်းကြောတောင်ကုန်းပေါ် ၌ စစ်ကောင်စီက အင်အားအများပြားချထားပြီး ဖယ်ခုံမြို့ပေါ်တွင် အကြောင်းမဲ့ပစ်ခတ်နေခြင်းနှင့် စစ်ဆေးရှာဖွေခြင်းများ ပြုလုပ်လျှက်ရှိသည်။
ယနေ့ နံနက်အစောပိုင်းကလည်း ဖယ်ခုံ PDF နှင့် တိုက်ပွဲ ဖြစ်ပွားရာ ကုန်းဆုံကျေးရွာအုပ်စု ကသဲကျေးရွာ ဘက်သို့ လက်နက်ကြီးများအသုံးပြု ပစ်ခတ်နေကြောင်း ဖယ်ခုံ PDF က ပြောသည်။
