မြန်မာဦးဆောင်တင်သွင်းတဲ့ နျူကလီးယားလက်နက်ဖျက်သိမ်းရေးဆိုင်ရာအဆို ကုလသမဂ္ဂအတည်ပြု

မြန်မာနိုင်ငံဦးဆောင်တင်သွင်းတဲ့ နျူကလီးယားလက်နက်ဖျက်သိမ်းရေးဆိုင်ရာ ဆုံးဖြတ်ချက်အဆိုမူကြမ်းကို အတည်ပြုခဲ့တယ်လို့ နယူးယောက်မြို့မှာရှိတဲ့ ကုလသမဂ္ဂဆိုင်ရာမြန်မာအမြဲ တမ်းကိုယ်စားလှယ်အဖွဲ့ရုံးက သတင်းထုတ်ပြန်ပါတယ်။

ကုလသမဂ္ဂဆိုင်ရာမြန်မာအမြဲတမ်းကိုယ်စားလှယ်၊ သံအမတ်ကြီး ဦးကျော်မိုးထွန်းက အဲဒီအဆို မူကြမ်းကို တင်သွင်းခဲ့တာ ဖြစ်ပြီး ထောက်ခံမဲ ၁၁၉ ၊ ကန့်ကွက်မဲ ၄၁၊ ကြားနေမဲ ၂၃ နဲ့ အတည် ပြုခဲ့တာဖြစ်တယ်လို့ ထုတ်ပြန်ချက်မှာဖော်ပြပါတယ်။

မြန်မာနိုင်ငံဟာ ၁၉၉၅ ခုနှစ်ကစလို့ သဘောထားတူညီတဲ့နိုင်ငံတွေနဲ့အတူ နျူကလီးယား လက်နက်ဖျက်သိမ်းရေးခေါင်းစဉ်နဲ့ အဆိုမူကြမ်းကို နှစ်စဉ်တင်သွင်းခဲ့ပြီး အခုအဆိုမူကြမ်းဟာ မနှစ်က အဆိုမူကြမ်းအပေါ် technical update နဲ့ factual update သာ ပြုလုပ်ထားတာဖြစ် တယ်လို့ သံအမတ်ကြီး ဦးကျော်မိုးထွန်းက ကုလသမဂ္ဂအထွေထွေညီလာခံ၊ ပထမကော်မတီမှာ ပြောပါတယ်။

အဆိုမူကြမ်းမှာ နျူကလီးယားလက်နက်ပိုင်ဆိုင်တဲ့ နိုင်ငံတွေဟာ နျူကလီးယား လက်နက်ဖျက် သိမ်းရေးကို သတ်မှတ်ထားတဲ့အချိန်အတွင်း ဖျက်သိမ်းဖို့၊ နျူကလီးယားလက်နက်ကင်းမဲ့ဇုံတွေ တည်ထောင်ဖို့၊ နျူကလီးယားလက်နက်များ အရည်အသွေးပိုင်း ဆိုင်ရာ မြှင့်တင်ရေးအတွက် ဆောင်ရွက်မှုတွေကို ချက်ချင်းရပ်ဆိုင်းဖို့ စတဲ့အချက်တွေ ပါဝင်ပါတယ်။

Public Service Announcement

ဒါ့အပြင် နျူကလီးယားလက်နက်များ လျှော့ချရေးကို ဆက်လက်ဆောင်ရွက်ဖို့၊ နျူကလီးယားလက်နက်များ အလုံးစုံဖျက်သိမ်းရေးဆိုင်ရာ ကွန်ဗင်းရှင်း တစ်ခုပေါ်ပေါက်ရေးအတွက် လက်နက်ဖျက်သိမ်းရေးညီလာခံမှာ ဆွေးနွေးဖို့နဲ့ Comprehensive Test Ban Treaty (CTBT) အာဏာသက်ဝင်ရေးအတွက် ဆောင်ရွက်ဖို့ စသည့် အချက်တွေကို အဆိုမူကြမ်းမှာထည့်သွင်းထားပါ တယ်။