ပုဂ္ဂလိကကျောင်း ၊ဘုန်းတော်ကြီးသင်ပညာရေးကျောင်းတွေအပါအဝင် တစ်နိုင်ငံလုံးက အခြေခံပညာကျောင်းတွေကို လာမယ့်နိုဝင်ဘာလ ၁ ရက်နေ့မှာ စတင်ကာ ပြန်လည်ဖွင့်လှစ်မယ်လို့စစ်ကောင်စီကကြေညာပါတယ်။
ဒီလိုဖွင့်လှစ်ရာမှာ တိုင်းနဲ့ပြည်နယ် အချို့က မြို့နယ် ၄၆ မြို့နယ်ကိုတော့ချန်လှပ်ထားမှာပါ။
အဲဒီမြို့နယ်တွေမှာ ကိုဗစ်တွေ့နှုန်းကို သုံးသပ်ပြီး ယာယီပိတ်ထားရတာလို့ စစ်ကောင်စီ ဆိုပါတယ်။
ချန်လှပ်ထားမယ့် မြိ့နယ်တွေကတော့ ကချင်ပြည်နယ်မှာ နောင်မွန်း ၊ ပူတာအို ၊ဗန်းမော် ၊ မိုးကောင်း ၊ မိုးညှိင်း ၊ ချီဖွေတို့ဖြစ်ပါတယ်။
Public Service Announcement
ကယားပြည်နယ်မှာ ဖားဆောင်း ၊ဘောလခဲ၊မယ်စဲ့ တို့ဖြစ်ပါတယ်။
ကရင်ပြည်နယ်မှာ ဖာပွန်နဲ့ သံတောင်ကြီးတို့ပါဝင်ပါတယ်။
ချင်းပြည်နယ်မှာတော့ ဖလမ်းနဲ့ ဟားခါးတို့ပါတာတွေ့ရပါတယ်။
စစ်ကောင်းတိုင်းမှာ လေရှီးတစ်မြို့နယ်တည်းထည့်ထားပါတယ်။
မကွေးတိုင်းမှာ ဆော၊ ထီးလင်း ၊ကံမနဲ့ဆင်ပေါင်ဝတို့ပါပါတယ်။
မန္တလေးမှာ မိတ္ထီလာကို ချန်လှန်ထားပြီး ရခိုင်ပြည်နယ်မှာတော့ ဂွမြို့နယ်ပါဝင်တာတွေ့ရပါတယ်။
ရှမ်းပြည်နယ်မှာ နောင်ချို ၊ကျိုင်းတုံ ၊ မိုင်းဖြတ် ၊ မိုင်းယောင်း ၊ဆီဆိုင် ၊ပင်းတယ ၊ ပင်လောင်း ၊ ရပ်စောက် ၊ဟိုပုံး ၊ ကွတ်ခိုင် ၊ နမ့်ခမ်း ၊ မဘိမ်း ၊ မိုင်းဆတ် ၊ ကွမ်းလုံ ၊ လားရှိုး ၊ သိန္ဒီ၊ မိုးနဲ၊ မိုင်းပန် ၊ မောက်မယ် ၊လင်းခေး၊ကွန်ဟိန်း ၊နမ့်စန်၊မိုင်းရှူး ၊ လဲချားနဲ့လွိုင်လင်တို့ဖြစ်ပါတယ်။
စစ်ကောင်စီဟာ အာဏာသိမ်းပြီးနောက်တိုင်းပြည် ပုံမှန်အခြေအနေတိုင်းဖြစ်နေတယ်ဆိုတာကိုပြသချင်တဲ့အတွက် ကျောင်းတွေကိုဖွင့်ခဲ့ပါတယ်။
ဒါပေမယ့် ကိုဗစ်ကူးစက်မှုတွေဖြစ်တဲ့အခါ ပိတ်လိုက်ရပါတယ်။
ဒါပေမယ့် အသက် ၁၂ နှစ်အထက် ကျောင်းသား ၊ကျောင်းသူတွေကို ကိုဗစ်ကာကွယ်ဆေး ထိုးပေးကာ ဒီတခါပြန်ဖွင့်နိုင်ဖို့ လုံးပမ်းနေတာပါ။
