'/%3E%3C/svg%3E){kind=small}
စစ်ကောင်စီနှင့် ထိက်တိုက်ရင်ဆိုင် တိုက်ပွဲများ ဖြစ်လာနိုင်၍ စစ်ကိုင်း-မကွေးနှင့် ချင်းပြည်နယ် ဆက်စပ်နေသည့်
လမ်းပိုင်းငါးခုတွင် တစ်ပါတ်အတွင်း ခရီးသွားလာခြင်းမပြုလုပ်ရန် ယောဒေသပြည်သူ့ကာကွယ်ရေးတပ်ဖွဲ့ YDFက အသိပေးချက်ထုတ်ပြန်သည်။
လက်ရှိတင်းမာနေသော စစ်ရေးအခြေအနေများအရ ပုလဲ-ကျော-ဂန့်ဂေါ-ကလေးလမ်း၊ပုလဲ-ကျော-ဂန့်ဂေါ-ဟားခါးလမ်း၊ပေါက်-ထီးလင်း-မင်းတပ်လမ်း၊ပေါက်-ကျောက်ထု-မင်းတပ်လမ်း၊ ဂန့်ဂေါ၊ ထီးလင်း၊ ကျော၊ ကျောက်ထု၊ ဆော လမ်းပိုင်းများတွင် ထိပ်တိုက် တိုက်ပွဲများ ဖြစ်လာနိုင်သဖြင့် တစ်ပတ်အတွင်း လုံးဝ(လုံးဝ) ခရီးသွားလာခြင်း မပြုလုပ်ကြပါရန် အသိပေးကြေညာအပ်ကြောင်းYDFက ယနေ့ထုတ်ပြန်ခြင်းဖြစ်သည်။
အကြမ်းဖက်စစ်ကောင်စီအား ဒေသတွင်း PDFများက ခုခံတော်လှန်စစ်ဆင်နွှဲရာတွင်အရပ်သားများ ဘေးအန္တရာယ်ကင်းစေရေးအတွက် အောက်တိုဘာ ၂၉ရက် နေ့စွဲဖြင့် ထုတ်ပြန်ခြင်းဖြစ်သည်။
စစ်ကိုင်း-မကွေးနှင့် ချင်းပြည်နယ်တို့တွင် စစ်ကောင်စီက အင်အားသိသိသာသာတိုးထားသလို ဒေသခံ ပြည်သူ့ကာကွယ်ရေးတပ်ဖွဲ့များကလည်း ခုခံတော်လှန်စစ်ဆင်နွှဲရန် ပြင်ဆင်နေသည်။
Public Service Announcement
