မြန်မာနိုင်ငံအတွင်း မြောက်များစွာသော အပြစ်မဲ့ပြည်သူများ သေဆုံးထားရခြင်းနှင့်စစ်ကောင်စီလက်အောက်မှ လွတ်မြောက်မှုမရသေးသည်ကို သတိပြုဆင်ခြင်ကာ နိုဝင်ဘာ ၄ရက်တွင် ကျရောက်မည့် ဒေပါဝလီကာလတွင် ပျော်ပွဲ၊ရွှင်ပွဲများနှင့် ပျော်ပါးမူးယစ်ခြင်းများ မပြုလုပ်ကြရန် ဟိန္ဒူဘာသာရေးအသိပညာအဖွဲ့က တိုက်တွန်းသည်။
ထို့အပြင် ပူဇော်ပွဲများကို မိမိတို့နေအိမ်တွင်သာ မိသားစုဝင်များဖြင့် အကျဥ်းချုံးကျင်းပ၍ ဓလေ့ထုံးတမ်းများကို ဆောင်ရွက်ရန်လည်း အသိပေးသည်။
နေအိမ်များတွင် အဓမ္မမှုအား အောင်နိုင်၍ အောင်ပန်းကိုဆင်လာသော ဘုရားရှင် ရှရီရားမ်ကို ဆီးမီးဖြင့် ကြိုဆိုခြင်းနှင့် ဆီမီးထွန်းပွဲတော်ကို ဆင်နွှဲရန် ဟိန္ဒူဘာသာဝင်များကို မေတ္တာရပ်ခံထားသည်။
“ဘုရားကို ဘုရားကျောင်းမှာ ရှာစရာမလိုပါဘူး။ ဘာသာရေး ကျမ်းဂန်စာပေ သင်ကြားချက်တွေအရ မိမိ၏ နှလုံးသားအထဲတွင် ကိန်း၀ပ်နေသော ဘုရားရှင်ကို ကိုယ်တိုင် ရှာဖွေရမှာဖြစ်တယ်။ဘုရားကျောင်းသွား ဘုရားရှိခိုးမှ စစ်မှန်သော ဘက္တ သာ၀ကဖြစ်မှာ မဟုတ်ပါ။ စစ်မှန်သော ယုံကြည်မှုနဲ့ သန့်စင်မွန်မြတ်မှု ရှိလျှင် မိမိအိမ်သည်လည်း ဘုရားကျောင်းတစ်ခုလို မြင့်မြတ်သော နေရာတစ်ခု ဖြစ်လာပါလိမ့်မယ်”ဟု ဟိန္ဒူဘာသာရေး အသိပညာအဖွဲ့က ပြောသည်။
မိမိတို့ နှင့် တစ်ရေတည်းနေ တစ်ရေတည်းသောက် ၊ တစ်လှေတည်းစီးနေကြည်သော တိုင်ရင်းသား ညီအစ်ကို မောင်နှမတို့စစ်မှန်သော ဖက်ဒရယ်ဒီမိုကရေစီရရှိပြီးမှသာ နဂိုမူလကဲ့သို့သော ပွဲတော်ကြီးများ ကျင်းပရန်ဟိန္ဒူဘာသာရေး အသိပညာအဖွဲ့က ဆိုသည်။
