မြန်မာစစ်တပ်က အရပ်သားတွေ၊ နေအိမ်တွေနဲ့ ဘုရားကျောင်းတွေကို ပစ်မှတ်ထားတိုက်ခိုက်နေမှုအပေါ် အလွန်စိုးရိမ်ပူပန်တယ်လို့ နော်ဝေသံရုံးထုတ်ပြန်

မြန်မာစစ်ခေါင်းဆောင်ပိုင်းအနေနဲ့ ပြည်သူလူထုအပေါ်ကျူးလွန်နေတဲ့ အကြမ်းဖက်မှုတွေကို ချက်ချင်းရပ်တန့်ပြီး လိုအပ်နေသူတွေအားလုံးကို လူသားချင်းစာနာမှုအကူအညီတွေရရှိစေရေး အာမခံချက်ပေးဖို့ နော်ဝေအစိုးရက တောင်းဆိုလိုက်ပါတယ်။

ချင်းပြည်နယ်မှာ မြန်မာစစ်တပ်က အရပ်သားတွေ၊ ၎င်းတို့ရဲ့ နေအိမ်တွေနဲ့ ဘုရားကျောင်းတွေကို ပစ်မှတ်ထားတိုက်ခိုက်နေတဲ့ သတင်းတွေကြားသိရတဲ့အတွက် အလွန်စိုးရိမ်ပူပန်တယ်လို့ မြန်မာနိုင်ငံဆိုင်ရာ နော်ဝေသံရုံးက ထုတ်ပြန်ပါတယ်။

ချင်းပြည်နယ်နဲ့ စစ်ကိုင်းတိုင်းတို့မှာ တပ်အင်အား တိုးမြှင့်ချထားမှုနဲ့အတူ နိုင်ငံတစ်ဝန်းမှာ ဆက်လက်ဖြစ်ပွားနေတဲ့ တိုက်ပွဲတွေဟာ အထူးစိုးရိမ်ဖွယ်ရာ ဖြစ်နေပြီး ပိုမိုပြင်းထန်လာတဲ့အကြမ်းဖက်မှုတွေရဲ့ ဆိုးကျိုးတွေကို အရပ်သားပြည်သူလူထုက ဆက်လက်ခံစားနေရတယ်လို့ ထုတ်ပြန်ချက်မှာ ဖော်ပြပါတယ်။

ဒါ့အပြင် အင်တာနက်နဲ့ ဆက်သွယ်ရေးလိုင်းတွေ ပိတ်ဆို့ခံထားရမှုကြောင့် မြေပြင်အခြေအနေ သတင်းအချက် အလက်တွေ ရရှိဖို့ခက်ခဲနေပြီး အင်တာနက်ကန့်သတ် ချက်တွေကိုလည်း ဖယ်ရှားပေးရမယ်လို့ နော်ဝေသံရုံးက တိုက်တွန်းထားပါတယ်။

Public Service Announcement

(အကြမ်းဖက်စစ်တပ်က မီးရှို့ဖျက်ဆီးမှုကြောင့် ချင်းပြည်နယ် ထန်တလန်မြို့ရှိ နေအိမ်များ မီးလောင်ခံရပြီးနောက် တွေ့ရစဥ်၊ ဓာတ်ပုံ – The Chin Journal)