ရှမ်းပြည်နယ်တောင်ပိုင်း ဖယ်ခုံမြို့နယ်တွင် ယနေ့(နိုဝင် ဘာ၄ရက်)ညပိုင်းအထိ တိုက်ပွဲဆက်လက်ပြင်းထန်နေပြီး စစ်ကောင်စီတပ်မှ ထိခိုက်ဒဏ်ရာရမှုများပြားကြောင်း ကရင်နီအမျိုးသားကာကွယ်ရေးတပ်ဖွဲ့(KNDF) က ထုတ်ပြန်သည်။
ဖယ်ခုံမြို့နယ် ခေါင်းအိကျေးရွာအုပ်စု လွယ်ဟွဲရွာ နှင့် စက်တော် ကျေးရွာတို့တွင် ယနေ့နံနက်ပိုင်းမှ ညပိုင်းအထိ တိုက်ပွဲဆက်လက်ဖြစ်ပွားနေခြင်းဖြစ်သည်။
တိုက်ပွဲတွင် ထိခိုက်ဒဏ်ရာရသည့် စစ်ကောင်စီတပ်ဖွဲ့ဝင်များ အရေအတွက် အတည်မပြုနိုင်သေးသော်လည်း များပြားကြောင်း၊ စစ်ကောင်စီတပ်၏ လက်နက်ကြီးပစ်ခတ်မှုကြောင့်၊ ဒေသကကာကွယ်ရေးတပ်မှ ရဲဘော် အချို့ထိခိုက်ဒဏ်ရာရရှိခဲ့ကြောင်း ထုတ်ပြန်ခဲ့သည်။
စစ်ကောင်စီတပ်က ထိုးစစ်ဆင်လာ၍ ဖယ်ခုံမြို့နယ် ခေါင်းအိကျေးရွာအုပ်စုတွင် နိုဝင်ဘာ ၂ရက်မှစ၍ နေ့စဉ် တိုက်ပွဲဖြစ်ပွားလျက်ရှိသည်။ တိုက်ပွဲများကြောင့် လွယ်ဟွဲရွာခံများ ထွက်ပြေးတိမ်းရှောင်နေကြရသည်။
Public Service Announcement
ထိုးစစ်ဆင်လာသည့် စစ်ကောင်စီတပ်ကို ကရင်နီတပ်မတော် (KA)၊ KNDF နှင့် PDF ပူးပေါင်းမဟာမိတ်အဖွဲ့များမှ ခုခံ တိုက်ခိုက်နေခြင်းဖြစ်ကြောင်း KNDF ကထုတ်ပြန်ခဲ့သည်။
