အဂတိလိုက်စားမှု ပုဒ်မနဲ့ ဒေါ်အောင်ဆန်းစုကြည်ကို စစ်ကောင်စီက စွပ်စွဲထားတဲ့ အမှု ကို ဒီနေ့ စစ်ဆေးရာမှာ ဦးဖြိုးမင်းသိန်း ရဲ့ဇနီး ဒေါ်ခင်မိမိကြွယ် ကို တရားလိုသက်သေအဖြစ် စစ်ဆေးဖို့ရှိပေမယ့် တရားခွင်ကိုရောက်မလာတာကြောင့်မစစ်ဆေးဖြစ်လိုက်ပါဘူး။
ဦးဖြိုးမင်းသိန်းတို့ဇနီးမောင်နှံကို စစ်ကောင်စီဟာ ထိန်းသိမ်းထားတာဖြစ်ပြီး ဒေါ်ခင်မိမိကြွယ်ဟာ နေမကောင်းတာကြောင့် တရားခွင်ကိုရောက်မလာတာလို့ တရားရုံးနဲ့ နီးစပ်သူတွေဆီက တဆင့် သိရပါတယ်။
ဦးဖြိုးမင်းသိန်းရဲ့ ဇနီးကို တရားလိုသက်သေအဖြစ် စစ်ကောင်စီက ထည့်ထားတာဖြစ်ပေမယ့် ပြီးခဲ့တဲ့ ရုံးချိန်း၃ ချိန်းလုံးမှာလည်း လာရောက်ထွက်ဆိုခဲ့တာမရှိပါဘူး။
ဒေါ်အောင်ဆန်းစုကြည်ကို အမေရိကန်ဒေါ်လာ တွေနဲ့ ရွှေတွေ ပေးရတယ်လို့ စစ်ကောင်စီရဲ့ ဝါဒဖြန့် ရုပ်သံက ဦးဖြိုးမင်းသိန်းရဲ့ ထွက်ဆိုချက်ဆိုတဲ့ ရုပ်သံဖိုင်ကိုထုတ်လွှင့်ဖူးပါတယ်။
Public Service Announcement
အဲဒီနောက် တရားရုံးမှာ ဦးဖြိုးမင်းသိန်း လာရောက်ထွက်ဆိုရာမှာလည်း အဲဒီရုပ်သံဖိုင်ထဲကအတိုင်း ထွက်ဆိုခဲ့တယ်လို့သိရပါတယ်။
ဒါပေမယ့် ဒေါ်အောင်ဆန်းစုကြည်ကဒီလိုစွပ်စွဲချက်တွေ အပေါ် အခြေအမြစ်မရှိဘူးလို့ ရှေ့နေတွေကိုပြောခဲ့ဖူးပါတယ်။
