မကွေးတိုင်း၊ နတ်မောက်မြို့နယ်နှင့် ပေါက်မြို့နယ်များရှိ စစ်ကောင်စီခန့်အုပ်ချုပ်ရေးမှုးနှင့် ပျူစောထီးအဖွဲ့ဝင်တစ်ဦးအား ဒေသတွင်း ပြည်သူ့ကာကွယ်ရေးအဖွဲ့များကသေနတ်ဖြင့်ပစ်သတ်ခဲ့ကြောင်းသတင်းထုတ်ပြန်သည်။
ယနေ့( နိုဝင်ဘာလ ၅ ရက်) နံနက်ပိုင်းတွင်CAF-MGPDF၊ King Fighter-SGFနှင့် PPDF ပူးပေါင်း ၃ အဖွဲ့က ပေါက်မြို့နယ် ခင်ရှည်တောင်စုတွင် နေထိုင်သူ ပျူစောထီးအဖွဲ့ဝင် ထွန်းဦး၏ နေအိမ်ကို ဝင်ရောက်စီးနင်း၍သေနတ်ဖြင့်ပစ်ခတ်ခဲ့ကြောင်း မကွေးပြည်သူ့ကာကွယ်ရေးအဖွဲ့က သတင်းထုတ်ပြန်သည်။
အဆိုပါပျူစောထီးအဖွဲ့ဝင် နေအိမ်မှ လက်လုပ်သေနတ်နှစ်လက်ကို သိမ်းဆည်းရရှိခဲ့ကြောင်း၊ ပူးပေါင်းအဖွဲ့၏ ပစ်ခတ်မှုကြောင့် ပျူစောထီးထွန်းဦး ထိခိုက်ဒဏ်ရာ ရရှိခဲ့ပြီး ပေါက်ဆေးရုံတွင် ဆေးကုသမှုခံယူနေရကြောင်း MGPDFက ဖော်ပြသည်။
နယ်ခံ PDFများ ထိခိုက်မှုမရှိဘဲ လုံခြုံရာနေရာသို့ ပြန်လည်ရောက်ရှိခဲ့ကြောင်း၊ အခင်းဖြစ်ပွားရာအနီးမှ ပြည်သူများအား အော်ဟစ်ကြိမ်းမောင်းခဲ့ရသည့်အတွက် တောင်းပန်ကြောင်း၊ ပြည်သူများ မတော်တဆ ထိခိုက်မည်စိုး၍ သတိပေးအော်ဟစ်ခဲ့ခြင်းဖြစ်ကြောင်း၊ နောက်နောင်ထိုအခြေအနေမျိုးတွင် ပြည်သူများအနေဖြင့် မိမိအိမ်တွင်သာ လုံခြုံစွာနေထိုင်ကြရန် မေတ္တာရပ်ခံကြောင်း မကွေးပြည်သူ့ကာကွယ်ရေးအဖွဲ့က အသိပေးသည်။
Public Service Announcement
အလားတူ မကွေးတိုင်းရှိ ဗိဿနိုးပြည်သူ့ကာကွယ်ရေး တပ်မတော် နှင့် ငါးပြေမ ပြောက်ကျားတပ်ဖွဲ့တို့ပူးပေါင်းကာ ယမန်နေ့( နိုဝင်ဘာလ ၄ ရက်) ညနေ ၃နာရီ ၂၀ မိနစ်အချိန်ခန့်ကမကွေးတိုင်းဒေသကြီး၊နတ်မောက်မြို့နယ် ၊
သာစည်ကျေးရွာ ရှိ စစ်ကောင်စီလက်အောက်ခံ ကျေးရွာအုပ်ချုပ်ရေးမှုး ဒလန်ဟုဆိုသည့် အောင်မြိုင်ကို ၎င်း၏ နေအိမ်ရှေ့တွင် ရင်ဘတ် ၃ချက် ခေါင်း ၁ချက် သေနတ်
ဖြင့်ပစ်ခတ်ကာ ရှင်းလင်းခဲ့ကြောင်း ဗိဿနိုးပြည်သူ့ကာကွယ်ရေးတပ်မတော်ကလည်းထုတ်ပြန်အသိပေးသည်။
သုတ်သင်ခံရသူများ ပြင်းထန်စွာထိခိုက်ဒဏ်ရာများရရှိသွားကြောင်း၊ သေဆုံးမှုအခြေအနေမသိရသေးကြောင်း ဒေသခံပြည်သူ့ကာကွယ်ရေးအဖွဲ့များက ပြောသည်။
(ပျူစောထီးထံမှသိမ်းဆည်းရမိခဲ့သည့် လက်လုပ်သေနတ်)
