စစ်ကိုင်းတိုင်း ပုလဲမြို့နယ်တွင် အကြမ်းဖက်စစ်ကောင်စီကို မိုင်းဆွဲတိုက်ခိုက်ရာ စစ်ကောင်စီတပ်သားလေးဦးသေဆုံးပြီး အများအပြားဒဏ်ရာရရှိခဲ့သည်ဟု ပုလဲပြည်သူ့ကာကွယ်ရေးတပ်ဖွဲ့ဌာနချုပ်က ယနေ့ (နိုဝင်ဘာ၅ ရက်) ညပိုင်တွင် ထုတ်ပြန်သည်။
ပုလဲမြို့နယ် မင်းတိုင်ပင်ရွာ၌ သေနတ်များပစ်ဖောက် ခြိမ်းခြောက်ပြီး ဘုန်းကြီးကျောင်း၌ တပ်စွဲထားသော အကြမ်းဖက်စစ်ကောင်စီတပ်သည် ယနေ့နံနက်က မင်းတိုင်ပင်ရွာ NLDလွှတ်တော်အမတ် ဦးဇော်ထက် မိသားစုပိုင်နေအိမ်ကို ဝင်ရောက်မွှေနှောက်ဖျက်ဆီးပြီးနောက် သပြေကုန်းရွာဘက်သို့ အင်အား၃၀ကျော်နှင့် ခြေလျင်ထွက်လာခဲ့ရာ သပြေကုန်းရွာ အနောက်ဘက်အရောက် ပြည်သူ့ကာကွယ်ရေးတပ်ဖွဲ့များက မိုင်းဆွဲ၍ စတင်တိုက်ခိုက်ခဲ့သည်။
ထိုဖြစ်စဥ်တွင် ပုလဲပြည်သူ့ကာကွယ်ရေးတပ်ဖွဲ့ဝင်များကမိုင်း(၆)လုံး ဆွဲတိုက်ခိုက်ခဲ့ပြီး စစ်ကောင်စီတပ်သားနှစ်ဦး သေဆုံးကာ ဒဏ်ရာရရှိသူများသော်လည်း အတည်မပြုနိုင်ကြောင်း သိရသည်။
စစ်ကောင်စီ၏ သေဆုံး၊ ဒဏ်ရာရတပ်သားများကို ပုလဲမြို့ရဲစခန်းက ကားဖြင့် လာရောက်သယ်ဆောင်သွားသည်ဟုလည်း ပုလဲပြည်သူ့ကာကွယ်ရေးတပ်ဖွဲ့ဌာနချုပ်က ပြောသည်။
Public Service Announcement
အဆိုပါ စစ်ကောင်စီစစ်ကြောင်းကို ဦးနှောက်ရွာအနီး ပြည်သူ့တော်လှန်ရေးတပ်မတော်( PRA) အပါအဝင် ပုလဲပြည်သူ့ကာကွယ်ရေးတပ်ဖွဲ့များက ဝိုင်းဝန်းပစ်ခတ်ခဲ့ကြပြီး စစ်ကောင်စီတပ်သား အကျအဆုံးရှိမရှိကိုမူ အတည်မပြုနိုင်သေပေ။
စစ်ကောင်စီဘက်မှ လက်နက်ကြီးပစ်ကူ ပါရှိသောကြောင့် ပြည်သူ့ကာကွယ်ရေးတပ်များဆုတ်ခွာခဲ့ရသော်လည်း ကန့်ဒေါင့် ကျေးရွာဘက်မှ လာရောက်အင်အားဖြည့်သည့် ဆိုင်ကယ် ခြောက်စီးပါ စစ်ကောင်စီယာဥ်တန်းကို မိုင်းခိုင်းမှု ဆက်လက်ပြုလုပ်ခဲ့ကြောင်း PRAက ဆိုသည်။
အဆိုပါ မိုင်းခွဲမှုဖြစ်စဥ်တွင် ဆိုင်ကယ်တစ်စီးမိုင်းထိပြီး စစ်ကောင်စီတပ်သား နှစ်ဦးသေဆုဖ့းခဲ့ကာ ငါးစီးမှာ ကန့်ဒေါင့်ကျေးရွာတွင်းသို့ ပြန်လည်ဆုတ်ခွာသွားကြောင်း ထုတ်ပြန်ချက်၌ ဖော်ပြသည်။
ယနေ့ ညပိုင်းတွင် စစ်ကောင်စီတပ်မှာ ကန့်ဒေါင့်၌ တပ်စခန်းချ နေကြောင်း ပုလဲပြည်သူ့ကာကွယ် ရေးတပ်ဖွဲ့ဌာနချုပ် အသိပေးသည်။
