ကျွန်းလှမြို့နယ်ကို ထိုးစစ်ဆင်နေသည့်စစ်ကောင်စီယာဥ်တန်းအား ပဒေ သာမိုင်းဖြင့် တိုက်ခိုက်ခဲ့ရာ အကြမ်းဖက်စစ်ကောင်စီဘက်မှ ၃၀ဦးခန့်အထိသေဆုံးကြောင်း ဒေသခံပြည်သူ့ကာကွယ်ရေးတပ်ဖွဲ့များက သတင်းထုတ်ပြန်သည်။
ကျွန်းလှမြို့နယ် အေးချမ်းသာရွာအနီး ဖြတ်သွားသည့်အကြမ်းဖက်စစ်ကောင်စီယာဥ်တန်းကိုယနေ့(နိုဝင်ဘာ
၆ ရက်) ညနေ ၃နာရီ ၅၅မိနစ်တွင် မိုင်း ၆ လုံးပါပဒေသာ မိုင်းဖြင့် တိုက်ခိုက်ခဲ့ခြင်းဖြစ်ကြောင်း PDF တပ်ဖွဲ့ဝင်တစ်ဦးကပြောသည်။
“စစ်ခွေးတွေက အခု ကျွန်းလှနဲ့တန့်ဆည်ကို ဖိနေတာ။ ကျွန်တော်တို့ ရသလောက် ခံချနေတယ်။ မိုင်းပဒေ သာ ဆွဲလိုက်တာ စစ်ခွေးအနည်းဆုံး ၃၀တော့ သေနိုင်တယ်”ဟု PDF တပ်ဖွဲ့ဝင်တစ်ဦးကပြောသည်။
စစ်အာဏာရှင်တော်လှန်ရေးအတွက်ဒေသတွင်း ပြည်သူ့ကာကွယ်ရေးတပ်ဖွဲ့များနှင့် ချိတ်ဆက်ဆောင်ရွက်နေ
သည့်Taze Support Organizationကလည်း အေးချမ်းသာရွာအနီးတိုက်ပွဲတွင် စစ်ကောင်စီ အထိနာသွားသည်ဟု သတင်းထုတ်ပြန်ထားသည်။
Public Service Announcement
စစ်ကောင်စီတပ်ကလွန်ခဲ့သည့် နှစ်ပတ်ခန့်ကစတင်ကာ ကျွန်းလှမြို့နယ်အတွင်း အင်အားအများအပြား ဖြည့်တင်းကာ လေကြောင်းဖြင့်ပါဒေသခံများကိုတိုက်ခိုက်ခဲ့သည်။ ယနေ့တွင်လည်း ကျွန်းလှမြို့နယ်၊ သဖန်းဆိပ်ဆည် အနောက်ဘက်ခြမ်း ကျေးရွာများကိုစစ်ကောင်စီတပ်က လက်နက်ကြီးအပြင်လေကြောင်းကပါ တိုက်ခိုက်နေသည်ဟု ဒေသခံအချို့ကပြောသည်။
