စစ်ကောင်စီတပ်အထိ့နာခဲ့သောစစ်ကိုင်းတိုင်း၊ ပင်လယ်ဘူးတိုက်ပွဲတွင် ပြည့်သူ့ကာကွယ်ရေးအဖွဲ့ဘက်မှကျဆုံးသွားသည့် ပြည်သူ့ကာကွယ်ရေးတပ်သား ၅ ဦးတွင် ရေဦးမြို့နယ်မှ CDM ရဲတစ်ဦး ပါဝင်ခဲ့ကြောင်း ပင်လယ်ဘူးတော်လှန်ရေးက သတင်းထုတ်ပြန်သည်။
ပင်လယ်ဘူးမြို့နယ်တွင် စစ်ကောင်စီတပ်နှင့် ပင်လယ်ဘူးPDFတို့ နိုဝင်ဘာလ ၅ ရက်နေ့နှင့် ၆ ရက်နေ့များတွင်တိုက်ပွဲဖြစ်ပွားရာ စစ်ကောင်စီဘက်မှ အယောက်လေးကျော်သေဆုံးနိုင်ပြီး PDFဘက်မှ ၅ ဦးကျဆုံးခဲ့ရာ အဆိုပါ ငါးဦးအနက် ရေဦးမြို့နယ်ရဲစခန်းမှ ပထမဆုံး CDM ပြုလုပ်ခဲ့သူ ရဲတပ်သား မျိုးသန့်ဇင်ဟိန်းလည်းကျဆုံးခဲ့ကြောင်း Pinlebu Revolution ကသတင်းထုတ်ပြန်ခဲ့သည်။
ကိုယ်ပိုင် နံပါတ် လ-၂၅၃၂၃၃၊ ရဲတပ်သား မျိုးသန့်ဇင်ဟိန်းသည် ရေဦး မြို့မ ရဲစခန်းတွင်တာဝန်ကျခဲ့ပြီး စစ်ကိုင်းတိုင်းဒေသကြီး ရဲတိုင်းရုံး(တွဲဘက်)တာဝန်လည်း ထမ်းဆောင်ခဲ့သူဖြစ်ကြောင်း ၎င်းနှင့် နီးစပ်သူတို့က ပြောသည်။
“သူက ရဲဝန်ထမ်းဘဝမှာလည်း ဘာပြစ်ချက်မှမရှိဘူး။ တော်လို့ တိုင်းရဲမင်းကြီးအိမ်မှာကိုတာဝန်ကျတာ။ အဲဒီကနေ CDM လုပ်ပြီး အစောကြီးကို အထက်ပိုင်းတက်သွားကြတာ (pdfလုပ်ဖို့)”ဟု ရေဦးဒေသခံတစ်ဦးက ပြောသည်။ အဆိုပါတိုက်ပွဲတွင် ရေဦးနယ်ထဲမှ PDFနောက်တစ်ဦးလည်းကျဆုံးခဲ့ကြောင်း ဒေသခံတစ်ဦးက ပြောသည်။
Public Service Announcement
ကျဆုံးသွားသည့် ရဲဘော်များသည် ရွှေဘိုနယ်မှ ၂ဦး၊ စစ်ကိုင်းမြို့နယ်မှ ၁ ဦး၊ ၊ရေဦးနှင့်ခင်ဦးမြို့နယ်များမှ ၂ဦးတို့ဖြစ်ကြောင်း PRက ပြောသည်။
