စစ်ကောင်စီတပ်သား နှစ်ဦးသေသောကနေဒီတောင်တိုက်ပွဲမှ သေနတ်နှစ်လက်ကို CDF သိမ်းဆည်းရမိ

ချင်းပြည်နယ်၊ တီးတိန်မြို့နယ် ကနေဒီတောင်ခြေအနီးမှာ နိုဝင်ဘာ ၅ ရက်က တိုက်ပွဲမှာ အကြမ်းဖက်စစ်ကောင်စီတပ်က ၂ယောက်သေဆုံးခဲ့သလို၊ စစ်ကောင်စီတပ်မှ သေနတ် ၂ ကိုလက်သိမ်းဆည်းရရှိခဲ့တယ်လို့ ချင်းဒေသကာကွယ်ရေးတပ်ဖွဲ့-CDF က ဒီနေ့ညမှာ ဓါတ်ပုံနဲ့တစ်ကွထုတ်ပြန်ပါတယ်။

သေနတ်နှစ်လက်၊ဖုန်းနှစ်လုံး ၊ငွေစက္ကူသောင်းဂဏန်းခန့် ၊မှတ်ပုံတင်အချို့သိမ်းဆည်းရမိခဲ့တာကို ထုတ်ပြန်တဲ့ဓါတ်ပုံမှာတွေ့ရပါတယ်။ကနေဒီတောင်တိုက်ပွဲမှာ အကြမ်းဖက်စစ်ကောင်စီတပ်သားနှစ်ဦးသေဆုံးခဲ့ပါတယ်။ပြည်သူ့ကာကွယရေးတပ်ဖွဲ့တွေဘက်က PDF (ဇိုလန်) ကတပ်ဖွဲ့ဝင်အသက်၂၂ နှစ်အရွယ်ရှိတာန်ပေါင်ဂင့်ထန် (Tg. Pau Gin Thang) ကျဆုံးခဲ့တယ်လို့ PDF(ဇိုလန်)ကထုတ်ပြန်ထားပါတယ်။

ချင်းပြည်နယ်မှာ နိုဝင်ဘာလဆန်းမှာဖြစ်တဲ့တိုက်ပွဲတွေမှာစစ်ကောင်စီတပ်ဖွဲ့ဝင် ဆယ်ပေါင်းများစွာသေဆုံးပြီးအထိ့နာနေတာဖြစ်ပါတယ်။

Chinland Defense Force – Kalay Kabaw Gangaw

Public Service Announcement