မြိုင်ကြီးငူစစ်​ရှောင်က​လေး​တွေအတွက် သင်ကြာ​ရေးအ​ထောက်ကူပစ္စည်း​တွေလို​​နေ

ကရင်ပြည်နယ် မြိုင်ကြီးငူဒေသမှာ ရောက်ရှိခိုလှုံနေကြတဲ့ စစ်ရှောင်ကလေးတွေ ပညာသင်ကြားရေးအတွက် သင်ထောက်ကူပစ္စည်းအကူအညီတွေ လိုအပ်နေတယ်လို့ စစ်ရှောင်စခန်းတာဝန်ခံက ​ပြောပါတယ်။

လှိုင်းဘွဲ့မြို့နယ် မြိုင်ကြီးငူဒေသကို ရောက်ရှိခိုလှုံနေကြတဲ့ မယ်သဝေါဒေသ စစ်ရှောင်တွေနဲ့ ဖာပွန်ဒေသက စစ်ရှောင်တွေရဲ့ ကလေးတွေဟာ စခန်းအတွင်းမှာဖွင့်လှစ်ထားတဲ့ ပြင်ပစာသင်ကျောင်းနဲ့ မြိုင်ကြီးငူက နီးစပ်ရာအစိုးရစာသင်ကျောင်းတွေမှာ ပညာသင်ကြားနေရတာဖြစ်ပါတယ်။

လက်ရှိ မြိုင်ကြီးငူစစ်ရှောင်စခန်းအတွင်းမှာ ပြင်ပစာသင်ကျောင်းတစ်ခုဖွင့်လှစ်ထားပြီး စစ်ရှောင်ကလေးဦးရေ ၁၀၀ ကျော် ပညာသင်ကြားလျက်ရှိနေကာ သူတို့တွေအတွက် စာရေးကိရိယာ သင်ထောက်ကူပစ္စည်းအကူအညီတွေ လိုအပ်နေတယ်လို့ စစ်ရှောင်စခန်းတာဝန်ခံတစ်ဦးဖြစ်တဲ့ ဦးထွန်းက ပြောပါတယ်။

“စစ်ရှောင်ကလေးတွေ ပြင်ပကျောင်းလည်းတက်တယ်။ အစိုးရကျောင်းလည်းတက်တယ်။ မြိုင်ကြီးငူကျောင်းမှာပဲပေါ့။ အားလုံးပဲ နီးစပ်ရာ သူတို့တက်တာပေါ့။ ဘောပင် ဗလာစာအုပ်တွေ လိုအပ်တာပေါ့” လို့ စစ်ရှောင်စခန်းတာဝန်ခံ ဦးထွန်းက ပြောပါတယ်။

Public Service Announcement

ပြီးခဲ့တဲ့ ၂၀၁၆ ခုနှစ်တုန်းက မြိုင်ကြီးငူအနီး မယ်သဝေါဒေသဘက်မှာ ဖြစ်ပွားနေတဲ့ စစ်ရေးပဋိပက္ခတွေကြောင့် စစ်ရှောင်ထောင်ချီခန့်ဟာ မြိုင်ကြီးငူဒေသကို ရောက်ရှိခိုလှုံနေထိုင်ကြသလို အခုနှစ် မတ်လပိုင်းက ဖာပွန်မှာဖြစ်ပွားနေတဲ့ စစ်ရေးအခြေအနေကြောင့်လည်း စစ်ရှောင်ထောင်ချီ မြိုင်ကြီးငူကို ရောက်ရှိနေကြတာဖြစ်ပါတယ်။