ထီးချိုင့် PDFကထီးချိုင်မြို့အဝင် လုံခြုံရေးဂိတ် စောင့်အကြမ်းဖက်စစ်ကောင်စီတပ်ဖွဲ့ဝင်များကို လက်နက်ကြီးဖြင့်ပစ်ခတ်တိုက်ခိုက်ခဲ့ရာစစ်ကောင်စီတပ်သား နှစ်ဦးသေဆုံးခဲ့သည်။
ထီးချိုင့်မြို့အဝင် မောင်းတံဂိတ်အနီး ကျော်လက်ဖက်ရည်ဆိုင်အတွင်း ရှိနေကြသော စစ်ကောင်စီတပ်သားများကို ယမန်နေ့( နိုဝင်ဘာလ ၈ ရက်) ည ၁၂ နာရီခန့်တွင် ထီးချိုင့် PDF က တိုက်ခိုက်ခဲ့ခြင်းဖြစ်သည်။
“ပေါက်ကွဲသံအကျယ်ကြီး ကြားလိုက်ရတာ။ စစ်ခွေးတွေ သေတာကို ဒီမနက်မှ သိရတာ” ဟု ဒေသခံတစ်ဦးက ပြောသည်။
အဆိုပါတိုက်ခိုက်မှုကို ထီးချိုင့် PDFက ပြုလုပ်ခဲ့ခြင်းဖြစ်ပြီး စစ်ကောင်စီတပ်ကို အရှိန်မြှင့်တိုက်ခိုက်သွားမည်ဟု ထီးချိုင့် PDFတပ်ဖွဲ့ဝင်တစ်ဦးကပြောသည်။
Public Service Announcement
ထီးချိုင့်မြို့နှင့် အနီးဝန်းကျင်မြို့များဖြစ်သော ကောလင်းနှင့် ကသာမြို့တွင်လည်း စစ်ကောင်စီတပ်ကထိုးစစ်ဆင်တိုက်ခိုက်နေသည်။ သို့သော် ပြည်သူ့ကာကွယ်ရေးတပ်ဖွဲ့များက ပြောက်ကျားစနစ်ဖြင့် ခုခံတော်လှန်နေရာ စစ်ကောင်စီတပ်အထိနာနေသည်။
