ဝက်လက်မြို့နယ်က ပြည်သူ့ကာကွယ်ရေးစခန်းတစ်ခုဝင်စီးခံရသော်လည်းပြည်သူ့ကာကွယ်ရေးတပ်ဖွဲ့ဝင်များလွတ်မြောက်ခဲ့ကြောင်း ဒေသခံများက ပြောသည်။
ယနေ့ (နိုဝင်ဘာလ ၁၃ ရက် )နံနက် ၈နာရီ၄၅မိနစ်ဝန်းကျင်ခန့်က ဝက်လက်မြို့နယ် ထုံးဘိုကုန်းရွာ ဘိုးနတ်တောင်ပေါ်ရှိ ပြည်သူ့ကာကွယ်ရေးတပ်ဖွဲ့ စခန်းတစ်ခုအား အကြမ်းဖက်စစ်ကောင်စီတပ်မှ ဝင်ရောက်စီးနင်းခဲ့ခြင်းဖြစ်ကြောင်း၊ သို့သော် ပြည်သူ့ကာကွယ်ရေးရဲဘော်များ အားလုံးလွတ်မြောက်ခဲ့ပြီး ထိခိုက်ဒဏ်ရာရရှိခြင်းမရှိကြောင်း ဒေသတွင်းသတင်းများထုတ်ပြန်နေသည့် ဇေယျာတိုင်းမ် က သတင်းထုတ်ပြန်သည်။
အဆိုပါဖြစ်စဥ် မှန်ကန်ကြောင်း၊ ရဲဘော်များလွတ်မြောက်ခဲ့ကြောင်း ဝက်လက်မြို့နယ် ဖောင်းဒိုင်းအဖွဲ့က ဖြေကြားသည်။
“မနက်က ပစ်ခတ်ပြီးဝင်တာ။လမ်းမှာတွေ့တဲ့ခရီးသွားပြည်သူတစ်ဦးကိုလည်း ဖမ်းသွားတယ်ပြောတယ်။”ဟု ဝက်လက်ဒေသခံတစ်ဦးက ပြောသည်။
Public Service Announcement
ဝက်လက်မြို့နယ်တွင် အကြမ်းဖက်စစ်ကောင်စီတပ်အား ဒေသခံပြည်သူ့ကာကွယ်ရေးတပ်ဖွဲ့က ခုခံတော်လှန်တိုက်ခိုက်နေပြီး ဝက်လက်နယ်အတွင်းရှိ စစ်ကောင်စီလက်အောက်ခံများလည်း မကြာခဏသတ်ဖြတ်ခံနေရသည်။
