မြောက်ဒဂုံ ၄၀ ရပ်ကွက်ဈေးတွင် စစ်ကောင်စီသတင်းပေးသည်ဆိုသောအမျိုးသမီးတစ်ဦးသေနတ်ဖြင့်ပစ်ခတ်ခံရပြီး ပွဲချင်းပြီးသေဆုံးခဲ့ကြောင်းဒေသခံများကပြောသည်။
“ညနေ ၄ နာရီကျော်လောက်က ပစ်တာ။ပစ်ပြီးလို့ နာရီဝက်ကျော်လောက်မှာ စခ တွေရောက်လာတယ်။ပြီးတော့ တစ်နာရီကျော် လောက် လမ်းပိတ်ပြီး စစ်တာတွေလုပ်ခဲ့တယ်”ဟု ၄၀ ရပ်ကွက်နေသူတစ်ဦးက ပြော သည်။
သစ်သီရောင်းသူတစ်ဦးလည်းဖြစ်သောမထိုက်အမည်ရှိ အမျိုးသမီးသည် ယခင်က ၄၀ ဈေးအနီးတွင်ဖြစ်ပွားခဲ့သော လက်ဖက်ရည်ဆိုင်တွင်းဖမ်းဆီးမှုကိုသတင်းပေးသော ဒလန်အဖြစ်နာမည်ကြီးပြီး စစ်ကောင်စီခန့် အုပ်ချုပ်ရေးမှူးမျာနှင့်လည်း အနေနီးသူတစ်ဦးဟုရပ်ကွက်နေပြည်သူအချို့ကပြောသည်။
၄၀ ရပ်ကွက် နေသူတစ်ဦး၏ အဆိုအရ အောက်တိုဘာ ၁၉ ရက်က တပင်ရွှေထီးလမ်းနှင့် ဗိုလ်မင်းရောင်လမ်းထောင့်ရှိ မိဘမေတ္တာလက်ဖက်ရည်ဆိုင်မှ လူငယ်သုံးဦးနှင့် ဆိုင်တာဝန်ခံကို ဖမ်းဆီးခံရမှုမှာ မထိုက်၏ သတင်း
ပေးမှုကြောင့်ဟု ဆိုသည်။
Public Service Announcement
ထိုစဥ်က “တော်လှန်ရေး သီတင်းကျွတ် မီးတောက်တွေနဲ့ အာဏာရှင်ကို လောင်ကျွမ်းစေမယ်” အကြမ်းဖက် စစ်ကောင်စီ ဖက်ဆစ်စစ်တပ် ချေမှုန်းရေး တော်လှန်သီတင်းကျွတ် လှုပ်ရှားမှုတွင် ပါဝင်ခဲ့သည်ဟုဆိုကာ
လူငယ်များကို စစ်တပ်က စွပ်စွဲဖမ်းဆီးခဲ့သည်။
(ဓါတ်ပုံ-မြောက်ဒဂုံ ၄၀ ရပ်ကွက် အခင်းဖြစ်ပွားရာစျေးအနီး မြင်ကွင်းဖြစ်သည်)
