ကွမ်းခြံကုန်းမြို့နယ် ဒေးဒနောကျေးရွာတွင် အကြမ်း ဖက်စစ်ကောင်စီတပ်က ၎င်းတို့အလိုရှိသူကို မတွေ့သဖြင့် နေအိမ်မီးရှို့ဖျက်ဆီးခဲ့ကြောင်း ဒေသခံသတင်းရင်း မြစ်များက ပြောသည်။
ယနေ့(နိုဝင်ဘာ ၁၄ ရက်) နံနက် ၂ နာရီခန့်က အကြမ်း ဖက်စစ်ပစ်မှတ်ထားသည့် လူငယ်မှာ၎င်း၏ နေအိမ်တွင် မတွေ့သဖြင့် နေအိမ်ကို မီးရှို့ခဲ့သည့် အပြင် လူငယ်ရှိနေနိုင်သော အခြားအိမ်ကိုလည်း ရှာဖွေရာ မတွေ့ရှိသဖြင့် ထပ်မံဖျက်ဆီးခဲ့ကြောင်း ၎င်းတို့က ပြောသည်။
“လာရှာတာ စစ်ခွေးတပ်က ကားတစ်စီး အပြည့်ပဲ။အင်အား ၄၀ ကျော်လောက်ရှိတယ်”ဟု ဒေးဒနောရွာဒေသခံတစ်ဦးက ပြောသည်။
ရှာဖွေခံရသည့် လူငယ်၏ အိမ်၌ သားအမိနှစ်ယောက်တည်းနေထိုင်ခြင်းဖြစ်ပြီး နှစ်ဦးစလုံးက အကြမ်းဖက်စစ်တပ်၏ဖမ်းဆီးခံရမှုမှ ကြိုတင်ရှောင်ပြေးနိုင်ခဲ့သည်ဟုလည်း ၎င်းက ဆိုသည်။
ယခုလအတွင်း အကြမ်းဖက်စစ်ကောင်စီတပ်မှာ ကွမ်းခြံကုန်းမြို့နယ်၌ တိုက်ခိုက်ခံရပြီးနောက် အပြစ်မဲ့ အရပ်သားပြည်သူများကို ဖမ်းဆီးရိုက်နှက် သတ်ဖြတ်မှုများ ပြုလုပ်နေသည်။