တရားမဝင်စကားပြောစက်တွေ နေပြည်တော်က နေအိမ်မှာတွေ့တယ်ဆိုပြီး ဆက်သွယ်ရေးဥပဒေ အပြင် ပို့ကုန်သွင်းကုန်ဥပဒေတွေနဲ့ ပါ စစ်ကောင်စီက စွဲဆိုထားတဲ့အမှု တွေ ကို လာမယ့် တနင်္လာနေ့ ( နိုဝင်ဘာလ ၂၂ ) ရက်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ထုချေမယ်လို့ သိရပါတယ်။
အာဏာသိမ်းတဲ့နေ့က နေပြည်တော် မြနန်းဘုံသာလမ်းက နေအိမ်ကိုဝင်ရောက်ရှာဖွေရာမှာ တရားမဝင် စကားပြောစက်နဲ့ Jammer တစ်စုံတွေ့တယ်ဆိုပြီး ထောင်ဒဏ် ၁ နှစ်အထိ ချလို့ရတဲ့ ဆက်သွယ်ရေးပုဒ်မ နဲ့ စစ်ကောင်စီကဒေါ်အောင်ဆန်းစုကြည်ကို ကနဦးတရားစွဲဆိုတာပါ။
အဲဒီနောက် ထောင်ဒဏ် ၃ နှစ်အထိ ချလို့ရတဲ့ ပို့ကုန်သွင်းကုန်ဥပဒေနဲ့ပါ ထပ်တိုးပြီး တရားစွဲဆိုထားတာဖြစ်ပါတယ်။
ဒီအမှုတွေအတွက် စွပ်စွဲခံရတဲ့ဘက်က သက်သေထွက်ဆိုမယ့်သူတင်သွင်းလိုပါသလားလို့ တရားသူကြီးက ဒီနေ့ တရားခွင်မှာ မေးမြန်းခဲ့ရာမှာဒေါ်အောင်ဆန်းစုကြည်က ငြင်းဆိုခဲ့တယ်လို့သိရပါတယ်။
Public Service Announcement
လာမယ့် ဒီဇင်ဘာလ ၆ ရက်နေ့မှာတော့ တရားရုံးမှာ ၂ ဖက် အပြီးသတ်လျှောက်လဲချက်ပေးမှာဖြစ်ပါတယ်။
