၂၀၂၀ အထွေထွေရွေးကောက်ပွဲမှာ မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ဟာ မဲမသမာမှုလုပ်တယ်လို့ စစ်ကောင်စီက စွပ်စွဲလိုက်ပြီး ရွေးကောက်ပွဲဆိုင်ရာရာဇသတ်ကြီးပုဒ်မ ၂ ခုနဲ့ အမှုထပ်တိုးဖွင့်လိုက်ပါတယ်။
အဲဒီပုဒ်မတွေကတော့ ရာဇသတ်ကြီးပုဒ်မ ၁၇၁ နဲ့ ပုဒ်မ ၁၃၀ (က) တို့ပဲဖြစ်ပါတယ်။
ဒီပုဒ်မတွေဟာ ရွေးကောက်ပွဲမှာ မသမာမှု လုပ်တာတွေနဲ့သက်ဆိုင်တဲ့ပုဒ်မတွေဖြစ်ပါတယ်။
ဒေါက်တာဇော်မြင့်မောင်ဟာ အမရပူူရနဲ့ အောင်မြေသာစံမြို့နယ်တွေ က မဲရုံတွေမှာ မဲမသမာမှုလုပ်တယ်ဆိုကာ တရားစွဲတာလို့ စုံစမ်းသိရပါတယ်။
Public Service Announcement
ဒီပုဒ်မ ၂ ခုအတွက် ရုံးချိန်းကိုတော့ ဒီဇင်ဘာလ ၁ ရက်ကို ချိန်းဆိုထားပါတယ်။
ရာဇသတ်ကြီးပုဒ်မ ၁၇၁ ဟာထောင်ဒဏ် ၂ နှစ်ထိ ချလို့ရပြီး ပုဒ်မ ၁၃၀ (က)ကတော့ ထောင်ဒဏ် ၃ နှစ်အထိ ချလို့ရတဲ့ပုဒ်မတွေပဲဖြစ်ပါတယ်။
လက်ရှိမှာလည်းဒေါက်တာဇော်မြင့်မောင်ကို စစ်ကောင်စီဟာ ဆူပူအောင်လှုံဆော်မှု ၊ ကိုဗစ်စည်းကမ်းချိုးဖောက် ၊အဂတိမှုတွေနဲ့ ပုဒ်မတွေ တပ်ကာတရားစွဲဆိုပြီး မန္တလေး အိုးဘိုထောင်မှာ ဖမ်းဆီထားတာပါ။
လက်ရှိမှာတော့ ဒေါက်တာဇော်မြင့်မောင်ဟာ ကျန်းမာရေးကောင်းမွန်တယ်လို့ ရှေ့နေဆီကသိရပါတယ်။
