COVID-19ကြောင့်လေးလကျော်ပိတ်ထားသည့် မူဆယ်နယ်စပ်ကုန်သွယ်ရေးစခန်းမှ ကျင်စန်းကျော့ဂိတ်ကို တရုတ်နိုင်ငံက ဖွင့်လှစ်ပေးပြီးနောက် တရုတ်-မြန်မာ နယ်စပ်ကုန်သွယ်ရေး တရားဝင်ပြန်လည်စတင်ပြီဟု မြန်မာနိုင်ငံဆိုင်ရာတရုတ်သံရုံးက ယနေ့ထုတ်ပြန်သည်။
ကပ်ရောဂါကြောင့် ဇူလိုင် ၈ ရက်က ပိတ်ထားသည့် မူဆယ်နယ်စပ်ကုန်သွယ်ရေးစခန်းရှိ ဂိတ် ၅ခုအနက် ကျင်စန်းကျော့ဂိတ်ကို နိုဝင်ဘာ ၂၃ ရက်မှ ၂၅ ရက်အထိ့အစမ်းဖွင့်လှစ်ပြီး ၊၂၆ ရက် ညနေပိုင်းမှ စ၍ တရုတ်နိုင်ငံဘက်ကတရားဝင် ပြန်လည်ဖွင့်လှစ်ပေးခဲ့ခြင်းဖြစ်သည်။
တရုတ်သံရုံးက တရုတ်-မြန်မာ ဝမ်တိန်နယ်စပ်ဂိတ်(ကျင်စန်းကျော့ဂိတ်) မံမန်လမ်းကြောင်းကိုက ပို့ကုန်သွင်းကုန်ပစ္စည်းများ တရားဝင်ပြန်လည်ဖြတ်နိုင်ပြီဖြစ်၍ နယ်စပ်ကုန်သွယ်ရေး တရားဝင်ပြန်လည်စတင်ခြင်းဟုဆိုသည်၊
ထို့အပြင်နှစ်နိုင်ငံ နယ်စပ်ကုန်သွယ်ရေး အမြန်ဆုံး ပုံမှန်ပြန်ဖြစ်လာရန် ဆောင်ရွက်နေသည်ဟုလည်းထုတ်ပြန်ချက်ကဆိုသည်။
ကျင်စန်းကျော့ဂိတ်ပြန်ဖွင့်သော်လည်း ကိုဗစ်ရောဂါအကြောင်းပြချက်ဖြင့် လူချင်းအထိ့အတွေ့နည်းအောင်ဆိုကာ ကုန်စည်များကို ကွန်တိန်နာဖြင့်သာ ပို့ဆောင်ပြီး ကရိန်းဖြင်မ ရမည်ဟုတရုတ်ကသတ်မှတ်လိုက်သည်။ထိုသတ်မှတ်ချက်အသစ်ကြောင့် မြန်မာကုန်သည်များအတွက် ကုန်ကျစာရိတ် နှစ်ဆခန့်ပိုများလာစေသဖြင့် အခက်တွေ့နေကြောင်း ကုန်သည်အချို့ကပြောသည်။
ကွန်တိန်နာ ဌါးခ ၊ ကရိန်း တင်၊ချခ ၊ပိုးသတ် ရှန်တိန် ဆေးစစ်ခ စသဖြင့်စာရိတ်များစွာတက်လာသဖြင့် ကုန်စည်များဈေးတက်လာနိုင်သည်ဟုကုန်သည်အချို့ကဆိုသည်။ထိုအပြင် ကွန်တိန်နာငှားရာတွင် တချို့ ကုန်သည်များမှာ ငှားခအပြင် ကွန်တိန်တာစဘော်ပါအတောင်းခံနေရသဖြင့် အခက်အခဲဖြစ်နေသည်ဟု ကုန်သည်တစ်ဦးကပြောသည်။ နယ်စပ်ကုန်သွယ်ရေးပိတ်ထားစဥ်တရုတ်ဘက်ခြမ်းတွင်ပိတ်မိနေသောကုန်ကားများမှာကန့်သတ်ချက်အသစ်ကြောင့်ထွက်လာမရသေးဘဲ ကွန်တိန်နာကားပေါ် ကုန်စည်များပြောင်းတင်ပြီးမှ ပြန်သွင်းလာရမည့်အခြေအနေဖြစ်ပြီးစစိတ်များစွာပိုကုန်နိုင်သလို ယာဥ်အရွေ့အပြောင်းကြောင့်ကုန်စည်များပျက်စီးနိုင်ကြောင်းလည်းကုန်သည်အချို့ကပြောသည်။
ထိုအပြင် နိုဝင်ဘာ ၂၆ ညနေပိုင်းတွင်လည်း ချင်းရွှေဟော်မြို့ရှိ တရုတ်-မြန်မာနယ်ဂိတ်တခုဖြစ်သည့် မိန်းတမ်ဂိတ်ပေါက်ကို တရုတ်က ဖွင့်လှစ်ပေးခဲ့သည်။
တရုတ်-မြန်မာနယ်စပ်ကုန်သွယ်ရေးစခန်းတွင် မူဆယ်သည် အကြီးဆုံးကုန်သွယ်ရေးစခန်းတစ်ခုဖြစ်ပြီး ၂၀၁၉-၂၀ ဘဏ္ဍာနှစ်တွင် ကုန်သွယ်မူ ဒေါ်လာ ၅ ဘီလီယံရှိပြီး ချင်းရွှေဟော်ဘက်တွင်ဒေါ်လာ သန်း ၅၄၀ကျော်ရှိခဲ့သည်။
တရုတ်-မြန်မာ နယ်စပ်ကုန်သွယ်ရေးတွင် မြန်မာနိုင်ငံက စိုက်ပျိုးရေးထွက်ကုန်၊ ရေထွက်ပစ္စည်းနှင့် တိရစ္ဆာန်ထွက်ပစ္စည်းများ ပို့ဆောင်နေခြင်းဖြစ်သည်။ တရုတ်နိုင်ငံက မြန်မာနိုင်ငံကို လူသုံးကုန်၊ စက်မူနှင့်ဆောက်လုပ်ရေး ပစ္စည်းများ ၊ ဆေးဝါးများတင်ပို့နေခြင်းဖြစ်သည်။
(ဓါတ်ပုံ- တရုတ်နိုင်ငံသို့ ကွန်တိန်နာဖြင့် တင်ပို့နေစဥ်နှင့် ကွန်တိန်နာအသုံးပြုရမည့်သတ်မှတ်ချက်ကြောင့်ကုန်ကျနိုင်သောစာရိတ်များကိုတွက်ချက်ထားမှု)
