ထီးချိုင့်မြို့နယ် မြို့နယ်တရားသူကြီး ဒေါ်မို့မို့အေး
အနေဖြင့် အကြမ်းဖက်စစ်ကောင်စီ၏ တရားရေးထောက်တိုင်အဖြစ် ဆက်လက်တာဝန်ထမ်းဆောင်းနေပါက ပုန်းနေသည့် နေရာအထိလိုက်လံအပြစ်ပေးမည်ဟု ပြည်သူ့ကာကွယ်ရေးတပ်ဖွဲ့က ယနေ့ သတိပေးချက်ထုတ်ပြန်သည်။
ဒေါ်မို့မို့အေးသည် အမှုများကို လာဘ်ငွေများယူ၍ အမိန့်ချခြင်း ၊မတရားသဖြင့် ဖမ်းဆီးခံရသူများကို အမိန့်ချခြင်း၊အမှုသည်များကို ခြိမ်းခြောက် အကြပ်ကိုင်ငွေညှစ်ခြင်း ၊စစ်ကောင်စီ တရားရေးထောက်တိုင်အဖြစ် ယခုထိ တာဝန်ထမ်းဆောင်နေခြင်းတို့ကို သိရှိထားသည်ဟု Tigyaing Revolution – TRက ယနေ့(ဒီဇင်ဘာ ၃ ရက်)ညတွင် ထုတ်ပြန်ခဲ့ခြင်းဖြစ်သည်။
အထက်ပါလုပ်ရပ်များ ဆက်လုပ်နေပါက အပြစ်ပေး အရေးယူသွားမည်ဖြစ်ပြီး မလိုက်နာပါကပုန်းရှောင်နေရာ အထိရှာဖွေ အပြစ်ပေးမည်ဖြစ်ကြောင်း သတိပေး ထားသည်။
အသက် ၃၀ ဝန်းကျင်အရွယ်ဒေါ်မို့မို့အေးသည် အမှုအခင်းများ အမိန့်ချရာတွင် လာဘ်စားသည်ဟု ထီးချိုင့်မြို့တွင် မူလကပင် နာမည်ကြီးကြောင်းဒေသခံအချို့ကပြောသည်။
Public Service Announcement
“သူက ထီးချိုင့်ကိုစရောက်ကတည်းက တရားခွင်မှာ လုပ်စား(လာဘ်စားတယ်)လို့ နာမည်ကြီးတယ်” ဟု အလုပ်သမားရေးဆောင်ရွက်သည့် ဒေသခံတစ်ဦးကပြောသည်။
ဒေါ်မို့မို့အေးသည် ထီးချိုင့်မြို့တွင် တာဝန်ကျသည်မှာ တစ် နှစ်ခန့်ရှိပြီဖြစ်ပြီး စစ်ကောင်စီက နိုင်ငံရေးပုဒ်မဖြင့် ဖမ်းဆီးခဲ့သူအချို့ကို ထောင်ဒဏ်ချမှတ်ခဲ့သည်ဟု ဒေသခံများကပြောသည်။ ထီးချိုင့်မြို့တွင် စစ်ကောင်စီခန့် ရပ်ကွက်အုပ်ချုပ်ရေးမှုးများ မကြာခဏ အသတ်ခံရပြီးနောက် ဒေါ်မို့မို့အေးသည် ဌာနကပေးထားသောအိမ်ယာတွင်မနေတော့ဘဲ နေရာ ရွှေ့ပြောင်းနေထိုင်နေသည်။ယင်းကဲ့သို့ နေရာပြောင်းရွှေ့တိမ်းရှောင်နေသည်ကိုလည်း ပြည်သူ့ကာကွယ်ရေးတပ်ဖွဲ့များက သိရှိထားသည်ဟုသိ့ရသည်။
