မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌ နဲ့အဖွဲ့ဝင်အချို့ကိုတရားစွဲဖို့စစ်ကောင်စီ စီစဉ်

မဲမသမာမှုလုပ်တယ်ဆိုပြီး မြို့နယ်ရွေးကောက်ပွဲကော်မရှင်အဖွဲ့ခွဲ ဥက္ကဋ္ဌနဲ့အဖွဲ့ဝင်အချို့ကို တရားစွဲဖို့ စစ်ကောင်စီက စီစဉ်နေတယ်ဆိုတဲ့သတင်းတွေထွက်လာပါတယ်။

ပြည်ထောင်စုရွေးကောက်ပွဲကော်မရှင်ဥက္ကဋ္ဌ နဲ့အဖွဲ့ဝင် ၂ ဦးကို တရားစွဲပြီးတဲ့နောက် ဒီသတင်းတွေ ထွက်လာတာပါ။

ဒီသတင်းကြောင့် လက်ရှိအချိန်မှာ တိမ်းရှောင်နေရတယ်လို့ မြို့နယ်ရွေးကောက်ပွဲကေ်ာမရှင်အဖွဲ့ခွဲ ဥက္ကဋ္ဌ တစ်ဦးကပြောပါတယ်။

“ကျွန်တော်တို့က အတတ်နိုင်ဆုံးအမှန်ကန်ဆုံး ဥပဒေနဲ့အညီပဲဆောင်ရွက်ခဲ့တယ်” လို့ ပြီးခဲ့တဲ့ ၂၀၂၀ အထွေထွေရွေးကောက်ပွဲမှာ ကြီးကြပ်ခဲ့ပုံကို တိမ်းရှောင်နေရသူ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ ကဆိုပါတယ်။

Public Service Announcement

စစ်ကောင်စီဟာ အာဏာသိမ်းပြီးနောက် မြို့နယ် ရွေးကောက်ပွဲ ကော်မရှင်အဖွဲ့ခွဲ ဥက္ကဋ္ဌ တွေအတွင်းရေးမှူးတွေကို ထိန်းသိမ်းခဲ့တာလုပ်ခဲ့ပါတယ်။

ထိန်းသိမ်းစဉ်မှာ ရိုက်နှက်စစ်ဆေးတာမျိုးမရှိဘဲ မဲမသမာမှုဖြစ်လို့ အာဏာသိမ်းခဲ့ရတယ်ဆိုတဲ့ပုံစံမျိုးကိုရှင်းပြခဲ့တယ်လို့ ပြန်လွတ်လာတဲ့ မြို့နယ်ရွေးကောက်ပွဲကော်မရှင်အဖွဲ့ခွဲဥက္ကဋ္ဌ တစ်ဦးက ပြောပြထားပါတယ်။

အဲဒီအချိန်တုန်းက ရက်အတော်ကြာထိန်းသိမ်းပြီးနောက် ပြန်လွှတ်ပေးခဲ့တာဖြစ်ပါတယ်။