ကလေးမြို့နယ်တွင် ပြည်သူ့အာဏာဖီဆန်ရေးလှုပ်ရှား မှု(CDM) ပြုလုပ်သည့် ရဲတပ်ဖွဲ့ဝင်များက Kalay Police Service ရဲတပ်ဖွဲ့ကို စတင်ဖွဲ့စည်းလိုက်ကြောင်း ယင်းအဖွဲ့က ယနေ့(ဒီဇင်ဘာ ၆)တွင် အသိပေးလိုက်သည်။
အဆိုပါ Police Service ရဲတပ်ဖွဲ့အနေဖြင့် ကလေးမြို့နယ်အတွင်း ပြည်သူလူထုအားထားရသော ရဲတပ်ဖွဲ့ဝင်များမွေးထုတ်ကာ ရပ်ရွာအေးချမ်းသာယာရေးနှင့် တရားဥပဒေစိုးမိုးရေးလုပ်ငန်းများ လုပ်ဆောင်သွားမည်ဟု ဆိုသည်။
“CDM ရဲတွေနဲ့ Kalay Police Service ဖွဲ့တယ်ဆိုတာ ဟုတ်ပါတယ်။ လောလောဆယ် ကျွန်မအနေနဲ့ ကာလတိုသက်မွေးပညာသင်တန်းစီစဥ်နေရလို့ အသေးစိပ်မသိရသေးပါဘူး”ဟု PDF ကလေးမှ သင်တန်းမှူးတစ်ဦးက လူထုနွေဦးသို့ အတည်ပြုပြောသည်။
Kalay Police Service တပ်ဖွဲ့အနေဖြင့် ဒေသတွင်းရဲလုပ်ငန်းများကို လူ့အခွင့်အရေးအား လိုက်စားလိုက်နာမှု၊ ပွင့်လင်းမြင်သာမှု၊ တရားမျှတမှု စသည့်စံတန်ဖိုးများနှင့်အညီ ဆောင်ရွက်သွားမည်ဟု ယင်းအဖွဲ့ထုတ်ပြန်ချက်တွင် ဖော်ပြသည်။
Public Service Announcement
Kalay Polile Service ရဲတပ်ဖွဲ့ကို ပြည့်သူ့လိုအပ်ချက်အရ PDF Kalay နှင့် ပူးပေါင်းဖွဲ့စည်းခဲ့ခြင်း ဖြစ်သည်။
