Connect with us

Hi, what are you looking for?

LuduNwayOo

News

ဒီပဲယင်းမြို့နယ်တိုက်ပွဲ စစ်​ကောင်စီတပ်မှ ၅၀ထက်မနည်းသေဟု ပြည်သူ့ကာကွယ်​ရေးတပ်​ပြော

အကြမ်းဖက်စစ်ကောင်စီတပ်ကို ဒီဇင်ဘာ ၆ရက် ညပိုင်းကတည်းကစ၍ ပြည်သူ့ကာကွယ်ရေးတပ်များက ဝိုင်းထားခဲ့သည်။

ဒီပဲယင်းမြို့နယ် ယနေ့(ဒီဇင်ဘာ ၇ ရက်) နံနက်တိုက်ပွဲတွင် အကြမ်းဖက်စစ်ကောင်စီတပ်မှ သေဆုံးသူ ၅၀ ထက်မနည်းရှိကြောင်း ဒီပဲယင်းမြို့နယ်ပြည်သူ့ကာ ကွယ်ရေးတပ်ဖွဲ့ဝင်တစ်ဦးက လူထုနွေဦးသို့ ပြောသည်။

တိုက်ပွဲဖြစ်စဥ်မှာ ဒီပဲယင်းအနောက်ခြမ်းသို့ စစ်ကြောင်းထိုးလာသည့် အင်အား ၁၀၀ခန့်ရှိသော အကြမ်းဖက်စစ်ကောင်စီတပ်ကို ဒီဇင်ဘာ ၆ရက် ညပိုင်းကတည်းကစ၍ ပြည်သူ့ကာကွယ်ရေးတပ်များက ဝိုင်းထားခဲ့သည်။

ထို့နောက် ယနေ့ နံနက် ၇နာရီတွင် ဒီပဲယင်းမြို့နယ်ပြည်သူ့ကာကွယ်ရေးတပ်များက ပူးပေါင်း၍ ဝင်ရောက်တိုက်ခိုက်ခဲ့သည်။

“သုံးဘက် ညှပ်ပြီးစစ်ခွေး စခန်းချနေသည့်နေရာကို အလစ်ဝင်ရောက်ပြီး တိုက်ခိုက်ခဲ့တယ်။လက်နက်မမျှတပင်မယ့် တိုက်ပွဲရဲ့ ၇၀ရာခိုင်နှုန်းလောက်ကို အသာစီး ရယူနိုင်ခဲ့တယ်”ဟု ဒီပဲယင်းမြို့နယ်ပြည်သူ့ကာကွယ် ရေး တပ်ဖွဲ့ဝင်တစ်ဦးက ပြောသည်။

Public Service Announcement

Public Service Announcement

တိုက်ပွဲမှာ နှစ်နာရီကျော်ကြာမြင့်ခဲ့ပြီးနောက်အထိ နာနေသော အကြမ်းဖက်စစ်တပ်က စစ်ကူအဖြစ် ရဟတ်ယာဥ် ကိုပါအသုံးပြုခဲ့ရသည်။

“လေကြောင်းပစ်ကူပါလာတော့ ကျွန်တော်တို့ တိုက်ခိုက်မှုကိုလျော့ပေးခဲ့ရတယ်။ စုစုပေါင်း လေယာဥ်သုံးစီးပါတယ်။ တစ်စီးက ပစ်ကူပေးတယ်။ကျန်နှစ်စီးက သေတဲ့သူနဲ့ဒဏ်ရာရတဲ့သူတွေကို သယ်သွားတယ်။ စစ်တပ်က အရာရှိကြီးတစ်ယောက်ပါသေသွားတယ်လို့ အတည်ပြုရတယ်”ဟု အထက်ပါတပ်ဖွဲ့ဝင်တစ်ဦးက ပြောသည်။

ဒီပဲယင်းမြို့နယ် ပြည်သူ့ကာကွယ်ရေးပူးပေါင်းတပ်ဖွဲ့များအနက်မှ ရဲဘော်တစ်ဦးကျဆုံးပြီး တစ်ဦးမစိုးရိမ်ရ ဒဏ်ရာရရှိခဲ့သည်။

အကြမ်းဖက်စစ်ကောင်စီတပ်များသည် ဒီပဲယင်းမြို့နယ်အတွင်းသို့ နိုဝင်ဘာ ၂၇ရက်ကစ၍ လေကြောင်းပစ်ကူများအပါအဝင် သာလွန်အင်အား၄၀၀ ခန့်ဖြင့် စစ်ကြောင်းထိုးလျက်ရှိရာ မြို့နယ်အတွင်းရှိ ပြည်သူ့ကာကွယ်ရေးတပ်ဖွဲ့များလည်း ပူးပေါင်း၍ ခုခံစစ်ဆင်နွှဲလျက်ရှိသည်။

(အကြမ်းဖက်စစ်​ကောင်စီတပ်သားများကို ​တွေ့ရစဥ်)

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။