ကယားပြည်နယ် ဒီးမော့ဆိုမြို့ ငွေတောင်အုပ်စုမှ အကြမ်းဖက်စစ်ကောင်စီတပ် ခမရ (၄၂၇)တပ်ရင်းရှိ ကင်းပုန်းတစ်ခုကို တိုက်ခိုက်ခဲ့ရာ စစ်ကောင်စီတပ်ဖွဲ့ဝင် သုံးဦးသေဆုံးခဲ့သည်ဟု ဒီးမော့ဆို ပြည်သူ့ကာကွယ်ရေးတပ်ဖွဲ့(PDF)က ထုတ်ပြန်သည်။
ဒီဇင်ဘာ ၅ရက်ည ၇နာရီခန့်က အဆိုပါ ကင်းပုန်းကို ရှောင်တခင် ဝင်တိုက်ရာ ၁၅မိစနစ်ကြာ တိုက်ပွဲဖြစ်ခဲ့ပြီး အကြမ်းဖက်စစ်ကောင်စီဖက်မှ သုံးဦးသေဆုံး၊ ငါးခန့် ထိခိုက်ဒဏ်ရာရရှိကြောင်း ဖော်ပြထားသည်။ ထို့အပြင် PDF တပ်ဖွဲ့ဝင်များ ထိခိုက်မှုမရှိ ပြန်လည်ဆုတ်ခွာနိုင်ခဲ့သည်ဟု ဆိုသည်။
အာဏာလုအကြမ်းဖက်စစ်ကောင်စီတပ်ဖွဲ့ ကျဆုံးရေးအတွက် မိမိတို့ပြည်သူ့ကာကွယ်ရေးတပ်-ဒီးမော့ဆို(DMO-PDF)အနေဖြင့် အစွမ်းကုန်တိုက်ထုတ်သွားမည်ဖြစ်ကြောင်း ထုတ်ပြန်ခဲ့သည်။ တိုက်ပွဲအချို့ကို လုံခြုံရေးအရ အချိန်နှင့်တပြေးညီ သတင်းထုတ်ပြန်သွားတော့မည်မဟုတ်ဟုလည် အသိပေးထားသည်။
ကယား(ကရင်နီ)ဒေသ၌ စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့များ၊ ကရင်နီတပ်မတော်(KA)၊ ကရင်နီအမျိုးသားကာကွယ်ရေးတပ်ဖွဲ့(KNDF)တို့က ခုခံတိုက်ခိုက်နေ၍ တိုက်ပွဲများ ဖြစ်ပွားနေသည်။
Public Service Announcement
