စစ်ကောင်စီတပ်က ရွာသားများကိုမီးရှို့သတ်ဖြတ်ခဲ့သည့် ဆားလင်းကြီးနယ်တွင်စစ်ရှောင်နှစ်ထောင်ခန့် ရှိ​နေ

အာဏာသိမ်းစစ်ကောင်စီတပ်က ဝင်ရောက်စီးနင်းပြီးနောက် ဒေသခံ ရွာသား ၁၁ဦးကို ဖမ်းဆီးနှိပ်စက်မီးရှို့ သတ်ဖြတ်ခဲ့ သည့် ဆားလင်းကြီးမြို့နယ် ဒုန်းတောကျေးရွာ နှင့်အနီးတ၀ိုက်​ကျေးရွာများမှ ဒေသခံ ၂၀၀၀ ခန့် စစ်ဘေးတိမ်းရှောင်နေကြ​ကြောင်း ဒေသခံအချို့ကပြောသည်။

ဒီဇင်ဘာ ၇ရက်က ဒုန်းတောကျေးရွာမှ အသက်မပြည့်​သေး​သောလူငယ် ၅ညဦးအပါအဝင် ၁၁ဦးကို စစ်ကောင်စီတပ်က ဖမ်းဆီးနှိပ်စက်မီးရှို့သတ်ဖြတ်ခဲ့သည်။ ထို့ပြင် ယနေ့ (ဒီဇင်ဘာ ၁၂ရက်)တွင်လည်း ဘိန်းနွယ်ချောင်ရွာသို့ စစ်ကောင်စီတပ်များ ရောက်ရှိနေ သည်ဟု သိရကြောင်း ဒေသခံက ပြောသည်။

“ဒီလုပ်ရပ်လုပ်သွားတော့ ပတ်ဝန်းကျင် ဘိန်းနွယ်ချောင်တို့ ဂုဏ်တောတို့၊၊ အုံတုံပင် တို့ အဲဒီရွာတွေက အကုန်လုံး ကြောင့်လန့်ပြီး အကုန်ထွက်ပြေးကြတာ စစ်ဘေးရှောင်တွေဖြစ်သွားတာ” ဟု ၎င်းက ဆက်​ပြောသည်။

​ကျေးရွာများကိုဝင်ရောက်စီးနင်းမှုကြောင့် ကံကုန်း၊ ဒုန်းတော၊ ထန်းတောကြီး၊ ဘိန်းနွယ် ချောင်၊ ရွာသာ၊ အုံတုံပင် အပါအဝင် ကျေးရွာ ၇ရွာမှ ဒေသခံ ၂၀၀၀ ခန့် ထွက်​ပြေး
တိမ်းရှောင်နေကြရသည်ဟုဒေသခံက ပြောသည်။

Public Service Announcement

ဆားလင်းကြီးမြို့နယ်မှ စစ်​ဘေးဒုက္ခသည်များအတွက် အ​ရေး​ပေါ်အကူအညီများလိုအပ်လျှက်ရှိ​ကြောင်း အလှူ​ငွေ​ကောက်ခံ၍ကူညီ​ပေး​နေ​သော မုံရွာတက္ကသိုလ်​ကျောင်းသားများသမဂ္ဂကလည်းသတင်းထုတ်ပြန်ထားသည်။

ဒေသခံပြည်သူ့ကာ့ကွယ်ရေးတပ်ဖွဲ့များနှင့် စစ်ကောင်စီတပ်အကြား တိုက်ပွဲများ၊ စစ်ကောင်စီတပ်က အကြမ်းဖက် ထိုးစစ်ဆင်မှုများ၊ ကျေးရွာများသို့ ဝင်ရောက်စီးနင်းမှုများကြောင့် စစ်ကိုင်းတိုင်းဒေသကြီးတွင် စစ်ရှောင်ဦးရေ တိုးလာနေပြီး စုစုပေါင်း ၆၀၀၀၀ ကျော်ရှိလာပြီဖြစ်ကြောင်း ကူညီရေးအဖွဲ့အချို့က​ပြောသည်။

(စစ်​ကောင်စီတပ်များ အကြမ်းဖက်မှု​ကြောင့်​ဒေသခံပြည်သူများထွက်​ပြေးတိမ်း​ရှောင်​နေရ​သော ကံကုန်းရွာအပါအဝင် ​ကျေးရွာအချို့ကို Google Map တွင်​တွေ့ရပုံ)