Connect with us

Hi, what are you looking for?

LuduNwayOo

News

RHBဘဏ်မှဝယ်ထား​​သောအထူးငွေတိုက်စာချုပ် အတွက်​ငွေများပြန်လွှဲ​ပြောင်း​ပေး​နေ

အချိန်တို အတွင်း အမေရိကန်ဒေါ်လာ သန်းပေါင်းများစွာ စီးဝင်လာမှုအတွက် RHB ဘဏ်အနေဖြင့် လက်ခံစီမံပေးရန် အခက်အခဲရှိခြင်းကြောင့်ဖြစ်သည်ဟု အမျိုးသားညီညွတ်ရေးအစိုးရ(NUG)ကဆိုသည်။

အမျိုးသားညီညွတ်ရေးအစိုးရ(NUG)၏ငွေတိုက်စာချုပ်များဝယ်ယူရာတွင် စင်ကာပူ RHBဘဏ်လွှဲထားငွေများကို ပြန်လည်လွှဲပြောင်းနေပြီဖြစ်ကြောင်း အမျိုးသားညီညွတ်ရေးအစိုးရ,စီမံကိန်း၊ဘဏ္ဍာရေးနှင့် ရင်းနှီးမြှုပ်နှံမှူဝန်ကြီးဌာန ကထုတ်ပြန်ကြေညာသည်။

အချိန်တို အတွင်း အမေရိကန်ဒေါ်လာ သန်းပေါင်းများစွာ စီးဝင်လာမှုအတွက် RHB ဘဏ်အနေဖြင့် လက်ခံစီမံပေးရန် အခက်အခဲရှိခြင်းကြောင့်ဖြစ်သည်ဟု အမျိုးသားညီညွတ်ရေးအစိုးရ(NUG)ကဆိုသည်။

RHBဘဏ်က ဒီဇင်ဘာ ဒုတိယပါတ်မှ စတင်ပြီး လွှဲပြောင်းပေးနေခြင်းဖြစ်ပြီး ဘဏ်နှင့်ချိတ်ဆက်ထားသည့် ဘဏ်ပေါ်မူတည်၍သာ အချိန်ကာလာကြာမြင့်နိုင်သည်ဟု NUGကဆိုသည်။ထိုသို့ကြာမြင့်သော်လည်း ငွေကြေးများ ကျိန်းသေပြန်ရမည်ဟုလည်း​အသိ့​ပေးထားသည်။

“ငွေလွှဲခပါ ဘဏ်ကနေ ပြန်လာပါတယ် ကျမ လက်ခံရရှိပြီးပါပြီ။ စောင့်ရတာတော့ရှိနိုင်ပါတယ်”ဟု ငွေတိုက်စာချုပ်ဝယ်ယူခဲ့သူတစ်ဦးကပြောသည်။

နွေဦးတော်လှန်ရေးအတွက် NUGက ဒေါ်လာ ၁၀၀၊၅၀၀၊ ၁၀၀၀ နှင့် ၅၀၀၀ တန်ငွေတိုက်စာချုပ်များကို ဒေါ်လာ တစ်ဘီလီယံဖိုးထုတ်ရောင်းခဲ့ခြင်းဖြစ်သည်။ ထိုသို့ရောင်းချရာတွင် နိုဝင်ဘာ ၂၂ ရက်မှ နိုဝင်ဘာ ၂၉ ရက်အထိငွေတိုက်စာချုပ် ဒေါ်လာ ၁၅ သန်းဖိုးရောင်းချခဲ့ရသည်။ ၎င်းတို့အနက် ဒေါ်လာ ၁၃ သန်းဖိုးကို ချက်စ်နိုင်ငံက Fio Banka ဘဏ်က လက်ခံခဲ့ခြင်းဖြစ်ပြီး ကျန် ၃သန်းကျော်ကို RHB စင်ကာပူဘဏ်ခွဲက လက်ခံခဲ့ခြင်းဖြစ်သည်။

RHBဘဏ်က ထိုငွေ သုံးသန်းကျော်ကို ငွေတိုက်စာချုပ်ဝယ်ယူသူများထံ ပြန်လည်ပေးပို့နေခြင်းဖြစ်သည်။
RHBဘဏ်သည် မလေးရှားအခြေစိုက်ဘဏ်တစ်ခုဖြစ်ပြီး စင်ကာပူတွင် ဘဏ်ခွဲဖွင့်လှစ်ထားခြင်းဖြစ်သည်။
လက်ရှိအချိန်တွင်လည်း ငွေတိုက်စာချုပ်များရောင်းချမူကို ဘဏ်ငွေလွှဲစနစ်များအဆင်မပြေ၍ NUGက ခေတ္တဆိုင်းငံ့ထားပြီး၊ KIO ​​ငွေလွှဲစနစ် ​ငွေ​ကြေးစနစ်အသုံးပြု​ရောင်းချရန်စီစဥ်​နေသည်။

You May Also Like

သတင်း

ဖေဖော်ဝါရီ ၆ ရက်တွင် ပြင်းအား ၇.၈ အဆင့်ရှိသည့် ငလျင်ကြောင့် တူရကီနှင့် ဆီးရီးယားနိုင်ငံအနောက်မြောက်ပိုင်းဒေသများသို့ သက်ရောက်မှုရှိခဲ့ပြီး အဆိုပါ ငလျင်ဒဏ်ကြောင့် ပြည်သူ ၈,၀၀၀ နီးပါး သေဆုံးခဲ့ရကာ ၄၀,၀၀၀ နီးပါး ဒဏ်ရာရရှိခဲ့သည်။

သတင်း

အကြမ်းဖက်စစ်တပ်သည် နိုင်ငံ့ပြဿနာများ အားလုံး၏ အရင်းအမြစ် ဖြစ်သည်ကို အားလုံး သိပြီးဖြစ်ကြောင်း ၎င်းကဆက်​ပြောသည်။ ထို့ကြောင့် တစုတစည်းတည်းအားကုန်ကြိုးစားနိုင်ရန် အတွက်ဘက်ပေါင်းစုံအားထည့်လုပ်ဆောင်သွားရန်ဝန်ကြီးချုပ်ကတိုက်တွန်းသည်။

သတင်း

ရှမ်းပြည်နယ်ရှိ ရှမ်းတိုင်းရင်းသားလက်နက်ကိုင်အဖွဲ့များဖြစ်​သော RCSSနှင့် SSPP တို့သည် ပြည်သူထုကို အကြမ်းဖက်နှိပ်စက်နေသည့် စစ်ကောင်စီနှင့် တွေ့ဆုံဆွေးနွေးမှုများပြုလုပ်နေသည်။

သတင်း

ပြီးခဲ့သည့် သီတင်းပတ်ကတည်းက လန်ဒန်သို့ရောက်ရှိနေသော ဝန်ကြီးဒေါ်ဇင်မာအောင်သည် ၎င်း၏ ယူကေခရီးစဥ်အတွင်း အခြားသော သက်ဆိုင်ရာတာဝန်ရှိသူများနှင့်လည်း ဆက်လက် တွေ့ဆုံ၍ မြန်မာ့အရေးပူးပေါင်းဆောင်ရွက်နိုင်ရန် တွေ့ဆုံဆွေးနွေးသွားမည်ဟု သိရသည်။