ရန်ကုန်တိုင်း ခရမ်းမြို့နယ်ရှိ ဘုရားပျိုရဲစခန်းတွင် ပေါက်ကွဲမှုဖြစ်ပွားပြီး ပစ်ခတ်မှုများလည်းဖြစ်ပွားခဲ့ကြောင်း ဒေသခံများက ပြောသည်။
ယနေ့(ဒီဇင်ဘာ ၁၆)ည ၇ နာရီခွဲခန့်တွင် ဘုရားပျိုကျေးရွာ နယ်မြေရဲစခန်းတွင် ဗုံးပေါက်ကွဲပြီးနောက် သေနတ်သံများအဆက်မပြတ်ထွက်ပေါ်ခဲ့ကြောင်း ၎င်းတို့က ပြောသည်။
“ပထမ ပေါက်ကွဲသံအကျယ်ကြီးတစ်ချက်ကြားရတယ်။ နောင်တော့ သေနတ်ပစ်သံတွေဆက်တိုက်ပဲ”ဟု ဒေသခံတစ်ဦးက ပြောသည်။
အဆိုပါ ပစ်ခတ်မှုဖြစ်ပွားပြီး နာရီပိုင်းအကြာတွင် ခရမ်းမြို့ပေါ်၌အစောင့်ချထားသော စစ်ကောင်စီတပ်မှ ကားသုံးစီး မြို့ပေါ်မှ တရကြမ်းမောင်းထွက်သွားကြောင်းလည်း ခရမ်းမြို့ခံအချို့က ပြောသည်။
Public Service Announcement
ယနေ့ည ၉ နာရီကျော်တွင်လည်း ဘုရားပျိုကျေးရွားဘက်တွင် ပေါက်ကွဲမှုနောက်တစ်ကြိမ်ထပ်မံဖြစ်ပွားကာ ပစ်ခတ်မှုများရှိလည်းခဲ့သည်။
အထက်ပါဖြစ်စဥ်အတွင်း ပစ်ခတ်မှုများကြောင့် ထိခိုက်သေဆုံးမှုရှိ၊ မရှိနှင့် အခြေအနေအသေးစိပ်ကိုမူ မသိရသေးပေ။
