နေပြည်တော်အထူးတရားရုံးက ဒီနေ့ရုံးထုတ်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ထောင်ဝတ်စုံနဲ့ ရုံးထုတ်ခဲ့ပါတယ်။
ဒေါ်အောင်ဆန်းစုကြည် ကိုထောင်ဝတ်စုံဖြစ်တဲ့ အပေါ်အင်္ကျီအဖြူရောင်နဲ့အညိုရောင်လုံချည် ဝတ်ဆင်ထားတာတွေ့ရတယ်လို့ တရားရုံးနဲ့နီးစပ်တဲ့အသိုင်းအဝိုင်းဆီကသိရပါတယ်။
ဒေါ်အောင်ဆန်းစုကြည်နည်းတူ နေပြည်တော်ကောင်စီဥက္ကဋ္ဌ ဒေါက်တာမျိုးအောင်ကိုလည်း ထောင်ဝတ်စုံနဲ့ ရုံးထုတ်ခဲ့ပါတယ်။
အဲဒီထောင်ဝတ်စုံတွေကိုတော့ အကျဉ်းထောင်အာဏာပိုင်တွေက ပေးပို့လာတာလို့သိရပါတယ်။
Public Service Announcement
ဒီဇင်ဘာလ ၆ ရက်က ဒေါ်အောင်ဆန်းစုကြည် နဲ့ သမ္မတ ဦးဝင်းမြင့် တို့ကို ဆူပူအောင်လှုံဆော်မှု ၊ ကိုဗစ်စည်းကမ်းချိုးဖောက်မှုတွေနဲ့ ထောင်ဒဏ် ၄ နှစ်ချလိုက်ပြီး ညပိုင်းမှာ ၂ နှစ်စီ လျော့ချပေးခဲ့ပါတယ်။
ပြစ်ဒဏ်တွေလျော့ချပေးပြီး နေပြည်တော်မှာပဲ ဆက်လက်ဖမ်းဆီးခံရကာ တရားရင်ဆိုင်နေရတာပဲဖြစ်ပါတယ်။
ဒေါက်တာမျိုးအောင်ကိုလည်း အဲဒီနေ့က ထောင်ဒဏ် ၂ နှစ်ချခဲ့တာပါ။
