ရန်ကုန်မြို့ မြောက်ဥက္ကလာပမြို့နယ် (ဌ)ရပ်ကွက်အတွင်း အာဏာသိမ်းစစ်ကောင်စီများတပ်စွဲထားသည့်နေရာကို အဝေးထိန်းဗုံးနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း အာဏာသိမ်းဆန့်ကျင်ရေးနှင့် ပြည်သူ့လွတ်မြောက်ရေး အဖွဲ့က ပြောသည်။
ယနေ့(ဒီဇင်ဘာ ၁၇ ရက်)နေ့လည် ၂နာရီကျော်တွင် အာဏာသိမ်းစစ်ကောင်စီတပ်စွဲထားသည့် ကားကြီးဂိတ် မှတ်တိုင် အနီး၌ ရှေ့ပြေးအဝေးထိန်းဗုံးဖောက်ခွဲခဲ့ပြီး ပေါက်ကွဲသည့်နေရာသို့ စစ်ကောင်စီတပ်ဖွဲ့ဝင်များ စစ်ဆေးရန်ရောက်ရှိလာသည့် အချိန်တွင် ဒုတိယအကြိမ်ထပ်မံ ဖောက်ခွဲခဲ့ကြောင်း ၎င်းတို့အဖွဲ့က ထုတ်ပြန်ထားသည်။
“ပေါက်ကွဲမှုဖြစ်ရာနေရာသို့ အာဏာသိမ်းစစ်ကောင်စီတပ်ဖွဲ့ဝင်များ DC ကားနှစ်စီး ၊ အင်အား အပြည့်ဖြင့် ရောက်လာသည့်အချိန်တွင် ဖောက်ခွဲတိုက်ခိုက်ခဲ့ခြင်းဖြစ်၍ အဆိုပါတိုက်ခိုက်မှုအတွင်း စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုများဖြစ်ခဲ့ပါသည်”ဟု ယင်းအဖွဲ့က ထုတ်ပြန်ထားသည်။
အဆိုပါနေရာကို ပိတ်ဆို့စစ်ဆေးမှုများပြုလုပ်ခဲ့သောကြောင့် သေဆုံးသူနှင့် ထိခိုက်သူအရေ အတွက်အတိ အကျကိုမှု မသိခဲ့ရကြောင်း ယင်းအဖွဲ့မှတာဝန်ရှိသူတစ်ဦးက ပြောသည်။
Public Service Announcement
အဆိုပါဖြစ်စဥ်ကို အာဏာသိမ်းဆန့်ကျင်ရေးနှင့်ပြည်သူ့လွတ်မြောက်ရေးအဖွဲ့နှင့်အတူ တောင်ပိုင်း ပြည်သူ့ ကာကွယ်ရေးအင်အားစု(SSUG) ၊ မြောက်ဥက္ကလာပအထူးပြောက်ကျားတပ်ဖွဲ့ (N.G.F) တို့ ပူးပေါင်း လုပ်ဆောင်ခဲ့ခြင်းဖြစ်သည်။
ယင်းထုတ်ပြန်ချက်ကို ၎င်းတို့၏ ပေ့ချ်၌ တင်ခဲ့ရာ ဖြုတ်ချခံခဲ့ရပြီး Warning ပေးခံခဲ့ရကြောင်း အထက်ပါတာဝန်ရှိသူက ပြောသည်။
