တွံတေးမြို့နယ် လာကပုံကျေးရွာမှ စစ်ကောင်စီခန့် အုပ်ချုပ်ရေးမှူးကို ပစ်ခတ်ရှင်းလင်းခဲ့ကြောင်း မြို့ပြပြောက်ကျားတပ် (တွံတေး)က ယနေ့(ဒီဇင်ဘာ ၂၃) ထုတ်ပြန်သည်။
ယနေ့နံနက် ၁၀ နာရီခန့်တွင် တွံတေးမြို့နယ် လာကပုံကျေးရွာမှ စစ်ကောင်စီခန့်အုပ်ချုက်ရေးမှူး ကုလား(ခ) သန်းလှိုင်အား ပစ်ခတ်ရှင်းလင်းခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ပစ်ခတ်ရှင်းလင်းပြီးနောက်ရန်ကုန်သို့အရေးပေါ်ကားဖြင့်တင်ဆောင်သွားခဲ့ရပြီးသေမည့်အချိန်ကို ထိုင်စောင့်နေရပြီဖြစ်သည်”ဟု တွံတေး PDF က ဆိုသည်။
ကုလား(ခ)သန်းလှိုင်သည် အကြမ်းဖက်စစ်ကောင်စီ၏ အများပြည်သူနေအိမ်စီးနင်းအကြမ်းဖက်မှုများ၊ အင်အားသုံးကင်းလှည့်အကြမ်းဖက်မှုများတွင် ရှေ့ဆုံးမှလိုက်ပါ၍ သတင်းပေးဒလန်အဖြစ်ကိုယ်တိုင်ပါ၀င်ဆောင်ရွက်နေသောကြောင့် ရှင်းလင်းခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
Public Service Announcement
မြို့ပြပြောက်ကျားတပ်ဖွဲ့၏ ပစ်ခတ်ရှင်းလင်းခြင်းခံရသော ကုလား(ခ)သန်းလှိုင်မှာ စစ်ကောင်စီမှခန့်အပ်သည့် လာကပုံကျေးရွာ၏ ဒုတိယမြောက် အုပ်ချုပ်ရေးမှူးဖြစ်ပြီး ယခင်အုပ်ချုပ်ရေးမှူး စိုးဝင်းဆိုသူမှာ ပြီးခဲ့သည့်အောက်တိုဘာအတွင်းက ရှင်းလင်းခံခဲ့ရသည်။
