'/%3E%3C/svg%3E){kind=small}
▪️မလိုအပ်ဘဲ အိမ်အပြင်မထွက်ရန် ပြည်သူများအား သတိပေး
ကရင်နီ(ကယား)ပြည်နယ် လွိုင်ကော်နှင့် ဒီးမော့ဆိုမြို့နယ်ကြား၌ ယနေ့ တိုက်ပွဲဆက်လက်ဖြစ်ပွားခဲ့ရာ တိုက်ပွဲတွင် အထိနာသည့် အကြမ်းဖက်စစ်ကောင်စီတပ်က နေအိမ်များကို မီးရှို့ဖျက်ဆီးနေကြောင်း တိုးတက်သော ကရင်နီပြည်သူ့အင်အားစု(PKPF)က ထုတ်ပြန် သည်။
ဒီးမော့ဆိုပြည်သူ့ကာကွယ်ရေးတပ်ဖွဲ့(DMO-PDF) ပြောရေးဆိုခွင့်ရှိသူတစ်ဦးကလည်း ဒီးမော့ဆိုနှင့် လွိုင်ကော်ကြားရှိ ၆မိုင် နေရာဝန်းကျင်၌ တိုက်ပွဲ ဖြစ်ပွားနေပြီး အသေးစိတ်အခြေအနေကို သတင်းမရသေးကြောင်း ပြောသည်။
“ ၆မိုင်၊ ၅မိုင်တို့ တိုက်ပွဲတွေခဏခဏ ဖြစ်တဲ့နေရာ ဒီးမော့ဆို ဒေါငံခါးတို့၊ ငွေတောင်တို့ အဲဒီဘက်တွေမှာ လူထုတွေသိအောင် အလျဉ်းသင့်သလို စာထုတ်ထားတာရှိတယ်။ စစ်ရေးအမြဲတမ်းလှုပ်ရှားတော့ တိုက်ပွဲဖြစ်ရင် ကြားညှပ်မှာ စိုးရိမ်ရတယ်။ စစ်ရေးလှုပ်ရှားမှု မဖြစ်ရင်လည်း စစ်တပ်က လမ်းမှာတွေ့ရင် ဖမ်းဆီးသတ်ဖြတ်တာတို့ မီးရှို့တာတို့ ရှိတယ်လေ။ အဲဒါမျိုးတွေကို လူထုတွေကို ကျွန်တော်တို့ အမြဲတမ်းသတိပေးတယ်။ မလို အပ်ဘဲ မသွားလာဖို့ပေါ့”ဟု ဒီးမော့ဆို PDF ပြောရေး ဆိုခွင့်ရှိသူက ပြောသည်။
Public Service Announcement
ယနေ့ နံနက်ပိုင်းတွင်လည်း လွိုင်ကော်မြို့နယ်တွင် တိုက်ပွဲများ ဖြစ်ပွားလျက်ရှိသည်။
ကရင်နီအမျိုးသားကာကွယ်ရေးတပ်ဖွဲ့(KNDF) တပ်ရင်း (၂)က လွိုင်ကော်မြို့နေ ပြည်သူများအနေဖြင့် မလိုအပ်ဘဲ အိမ်အပြင် မထွက်ရန် ယနေ့ညနေပိုင်း၌ အသိပေးချက်ထုတ်ပြန်သည်။
လက်ရှိတွင် လွိုင်ကော်မြို့အနှံ့ စစ်ကောင်စီတပ်များ ကင်းပုန်းချထားသည့်နေရာများအား ၎င်းတို့ Page သို့ ဆက်သွယ်ပြီး သတင်းပေးရန်လည်း အကူအညီတောင်း ခံထားသည်။ ယနေ့နံနက်က လွိုင်ကော် ကယန်းသာယာတိုက်ပွဲ၌ စစ်ကောင်စီတပ်မှ အရာရှိအပါအဝင် စစ်ကောင်စီတပ်ဖွဲ့ဝင် ၁၅ဦး သေဆုံးခဲ့သည်ဟု ထုတ်ပြန်ထားသည်။
