ဝေဖန်ကန့်ကွက်မှု​တွေကြားက ဟွန်ဆန်မြန်မာနိုင်ငံလာ

ဒီနေ့(ဇန်နဝါရီ ၇)နံနက် မြန်မာစံ​တော်ချိန် ၇ နာရီ ၄၀ မီနစ်​ကျော်မှာ ဟွန်ဆန်ရဲ့ ​ဖေစ်ဘွခ်က သတင်းထုတ်ပြန်တာမှာ မြန်မာအာဏာသိမ်းစစ်​ခေါင်း​ဆောင် မင်း​အောင်လှိုင်ရဲ့ ဖတ်ကြားမှုနဲ့ ဟွန်ဆန်ရဲ့ ၂ ရက်တာ(ဇန်နဝါရီ ၇၊၈ )ခရီးစဥ် စတင်ထွက်ခွာလာတဲ့အ​ကြောင်း သတင်းဓါတ်ပုံ​တွေနဲ့တကွ​ဖော်ပြထားတာကို​တွေ့ရပါတယ်။

ဟွန်ဆန်ရဲ့ မြန်မာပြည်ခရီးစဥ်ဟာ အကြမ်းဖက်စစ်​ကောင်စီကို အသိ့အမှတ်ပြုဖို့ကြိုးစားတဲ့သ​ဘောဖြစ်​နေတာ​ကြောင့် မြန်မာပြည်သူ​တွေ ၊အရပ်ဖက်အဖွဲ့အစည်း​တွေ၊​တော်လှန်​ရေးအဖွဲ့အစည်း​တွေကပြင်းပြင်းထန်ထန်ကန့်ကွက်​နေကြတာပါ။ ဒါအပြင်က​မ္ဘောဒီးယား အတိုက်အခံနိုင်ငံ​ရေးသမား​တွေ၊အရပ်ဘက်အဖွဲ့အစည်း​တွေ၊ ပြည်သူတချို့နဲ့ နိုင်ငံတကာ ကပါ ​ဝေဖန်ပစ်တင်ခဲ့ကြပါတယ်။

ကန့်ကွက်​နေတဲ့ကြားက မြန်မာပြည်ခရီးစဥ် မဖျက်သိမ်းတာ​ကြောင့် ဇန်နဝါရီ ၆ ရက်​နေ့ကစပြီးဟွန်ဆန်ရဲ့​ဖေစ်ဘွခ်မှာ မြန်မာပြည်သူ​တွေက ဟွန်ဆန်ကိုမလိုအပ်​ကြောင်း၊ မြန်မာပြည်သူ​တွေရဲ့ဆန္ဒကို အ​လေးအနက်ထားဖို့ ၊အာဏာသိမ်းစစ်​ခေါင်း​ဆောင်ကို အသိ့အမှတ်ပြုတဲ့သ​ဘောမြန်မာနိုင်ငံကိုမလာဖို့ စတဲ့မှတ်ချက်​တွေ ပြင်းထန်တဲ့ကန့်ကွက်မှု​တွေနဲ့ မှတ်ချက်​တွေ​ရေးသားကန့်ကွက်ခဲ့ကြပါတယ်။ ဟွန်ဆန် တို့ လင်မယားရဲ့ ၂၅ နှစ်ပြည့်မဂ်လာနှစ်ပတ်လည်ပိုစ်​အောက်မှာ မြန်မာပြည်သူ​တွေက ပြင်းပြင်းထန်ထန်ကန့်ကွက် တဲ့မှတ်ချက်​တွေ​​​သောင်းချီပြီးရေးသားခဲ့ကြသလို ၊ဟဟ အီမိုဂျို ကိုနှိပ်ပြီး ​လှောင်​ပြောင်သူ ငါး​သောင်း​​ကျော်ရှိခဲ့ပါတယ်။

ဒါ​ကြောင့်​မ​နေ့ညမှာ ဟွန်ဆန်ရဲ့ပိုစ်အချို့ ​အောက်မှာ မှတ်ချက်​ပေးမရ​အောင်ပိတ်ခဲ့ပြီး ဒီမနက်မှာ​တော့မှတ်ချက်ပြန်​ပေးရ​အောင်ဖွင့်​ပေးတာ​တွေ့ရပါတယ်။

Public Service Announcement