စစ်တပ်ပိုင်မြဝတီဘဏ်နားအပါအဝင် မန္တလေးမှာ တစ်နေ့တည်း ငါးကြိမ်ထက်မနည်း ပေါက်ကွဲမှုဖြစ်ပွား

ဒီနေ့နေလယ်ပိုင်းအထိ မန္တလေးမြို့မှာ ငါးကြိမ်ထက်မနည်းပေါက်ကွဲမှုတွေဖြစ်ခဲ့ပါတယ်။

ပေါက်ကွဲမှုတွေဟာ မြို့နယ် ၅ မြို့နယ်မှာဖြစ်ခဲ့တာဖြစ်ပြီး အရပ်သားပြည်သူထိခိုက်မှု ကြီးကြီးမားမားမရှိဘူးလို့လည်းသိရပါတယ်။

ပေါက်ကွဲမှုဖြစ်တဲ့နေရာတွေကတော့ ချမ်းမြသာစည်မြို့နယ်က MIIT ကျောင်း ၊ ပုသိမ်ကြီးမြို့နယ်က လဝက ဦးစီးမှူးရုံး ၊ ချမ်းအေးသာစံမြို့နယ် ဈေးချိုအနီးက မြဝတီဘဏ် ၊ မဟာအောင်မြေမြို့နယ် အုပ်ချုပ်ရေးမှူးရုံးနဲ့ ပြည်ကြီးတံခွန်မြို့နယ် ဗိုလ်ချုပ်ပန်းခြံအနီးတို့ပဲဖြစ်ပါတယ်။

ဈေးချိုအနီးက စစ်တပ်ပိုင် မြဝတီဘဏ်ကိုတော့ မနက် ၁၀ နာရီလောက်မှာ ဆိုင်ကယ်နဲ့အမျိုးသား ၂ ဦးက ဗုံးလာပစ်သွားတာလို့သိရပါတယ်။

Public Service Announcement

လက်ရှိအချိန်ထိတော့ ပေါက်ကွဲမှုဖြစ်ခဲ့တဲ့ နေရာတွေအနီးမှာစစ်ကောင်စီတပ်တွေလုံခြုံရေးယူထားပြီး မြို့တွင်းမှာ စစ်ဆေးတာကို တင်းကြပ်ထားပါတယ်။