ရှမ်းပြည်နယ် မြောက်ပိုင်းမုံးကိုးဒေသ၌ ကချင်လွတ်လပ်ရေးတပ်မတော်(KIA) နှင့် အာဏာသိမ်းစစ်ကောင်စီတပ်တို့ ယနေ့ တိုက်ပွဲဖြစ်ပွားခဲ့ကြောင်း KIA သတင်းနှင့် ပြန်ကြားရေးဌာန Kachinnet Burmese က သတင်းဖော်ပြ သည်။
KIA တပ်မဟာ(၆)၊ တပ်ရင်း (၃၆)နယ်မြေ မုန်းကိုးဒေသ ဆမာရွာနှင့် ခဘန်ရွာကြားတွင် ဇန်နဝါရီ ၁၃ရက် နေ့လယ် ၁နာရီကျော် အချိန်တွင် တိုက်ပွဲဖြစ်ပွားခဲ့ကြောင်း၊ အင်အား ၁၀၀ခန့်ရှိသည့် စစ်ကောင်စီတပ်က KIA တပ်စွဲရာနေရာအတွင်း စစ်ရေးလှုပ်ရှားလာ၍ ခုခံတိုက်ခိုက်ခဲ့ခြင်းဖြစ်ကြောင်း ဖော်ပြသည်။
တိုက်ပွဲအပြီးတွင် စစ်ကောင်စီမှ ဆမာရွာအနီးတဝိုက်အတွင်း စစ်ရေးလှုပ်ရှားမှု ဆက်လုပ်၍ တိုက်ပွဲထပ်မံ ဖြစ်ပွားနေကြောင်းလည်း Kachinnet Burmese က ယနေ့ညပိုင်း၌ ဖော်ပြသည့်သတင်းတွင် ပါရှိသည်။
ထို့အပြင် ကချင်ပြည်နယ် ဖားကန့်ဒေသရှိ KIA တပ်မဟာ(၉) ၊ တပ်ရင်း(၆) နယ်မြေရှဂန်ကောင်သို့လည်း စစ်ကောင်စီတပ်က ယနေ့နံနက်စော ၁နာရီခန့်တွင် တိုက်ပွဲမဖြစ်ပွားခြင်းမရှိဘဲ လေယာဉ်သုံးစီးဖြင့် ဗုံးကြဲခဲ့ကြောင်း၊ သို့ရာတွင် ထိခိုက်မှုမရှိကြောင်း ဖော်ပြထားသည်။
Public Service Announcement
