စစ်တပ်အာဏာလုပြီးတဲ့နောက် တစ်နှစ်ပြည့်ခါနီးမှာတော့ ပြည်တွင်း စက်သုံးဆီ ဈေးနှုန်းဟာ ထက်ဝက်ကျော် မြင့်တက်သွားပါတယ်။
ဒီနေ့ စက်သုံးဆီဈေးဟာ Octane 92 တစ်လီတာကို ၁၅၂၅ ကျပ် ၊ Octane 95 တစ်လီတာကို ၁၅၇၅ ကျပ် ၊ ပရီမီယံ ဒီဇယ်တစ်လီတာ ၁၅၅၀ ကျပ်နဲ့ ဒီဇယ် တစ်လီတာကို ၁၅၄၀ ကျပ်ထိဖြစ်လာပါတယ်။
ဒါဟာ အာဏာမလုခင် ကာလက စက်သုံးဆီဈေးနဲ့နှိုင်းယှဉ်ရင် ၂ ဆကျော် ဈေးတက်သွားတာတွေ့ရပါတယ်။
၂၀၂၁ ခုနှစ် ဇန်နဝါရီလ ၃၁ ရက်မှာ စက်သုံးဆီဈေးဟာ Octane 92 တစ်လီတာကို ၆၅၅ ကျပ် ၊ Octane 95 တစ်လီတာကို ၇၆၅ ကျပ် ၊ ပရီမီယံ ဒီဇယ်တစ်လီတာ ၇၀၅ကျပ်နဲ့ ဒီဇယ် တစ်လီတာကို ၆၉၅ ကျပ်ပဲရှိခဲ့တာပါ။
Public Service Announcement
ဒါပေမယ့် စစ်တပ်အာဏာလုပြီးတဲ့နောက်မှာတော့ ကျပ်ငွေတန်ဖိုးကျလာပြီး စီးပွားရေးကျပ်တည်းမှုနဲ့အတူ စက်သုံးဆီအပါအဝင် ကုန်ဈေးနှုန်းကြီးမြင့်တာကိုကြုံနေရတာပဲဖြစ်ပါတယ်။
