စစ်အာဏာရှင်ဆန့်ကျင်​ရေး မြိုင်မြို့၏ ဆည်းဆာသပိတ်

မကွေးတိုင်း မြိုင်မြို့နယ်တွင် ယနေ့(ဇန်နဝါရီ ၂၅) ညနေပိုင်းတွင် ပြည်သူများပူးပေါင်း၍ ” ပြည်သူ့တော်လှန်ရေးတိုက်ပွဲ ကျရာနေရာမှ ပါဝင်ဆင်နွှဲ” ခေါင်းစည်းဖြင့် အကြမ်းဖက် စစ်အာဏာရှင် ဆန့်ကျင်ရေး ဆည်းဆာသပိတ်ဖြင့် ချီတက်ဆန္ဒပြခဲ့သည်။

အဆိုပါသပိတ်စစ်ကြောင်းကို မြိုင်မြို့နယ် အခြေခံ ပညာအထွေထွေသပိတ်ကော်မတီနှင့် ဒေသခံ ပြည်သူ လူထုက ပူးပေါင်း၍ ပြုလုပ်ခဲ့ခြင်း ဖြစ်သည်။

ပြည်သူများသည် “သွေးကြွေးမှာဆွေးနွေးစရာမရှိ” ၊ “ဖက်ဆစ်စစ်တပ် အမြစ်ပြတ်ချေမှုန်းရေး” လူထုကြွေးကြော်သံများဖြင့် လှည့်လည်သပိတ်မှောက်ခဲ့သည်။