Connect with us

Hi, what are you looking for?

LuduNwayOo

News

မုံရွာ​​ထောင်တွင် နိုင်ကျဥ်းများအ​​ပေါ် ဖိနှိပ်မှုအ​ပေါ် NUGနှင့်သက်ဆိုင်ရာကတုန့်ပြန်အ​ရေးယူရန် တိုင်ကြား

မုံရွာ​ထောင်မှာ နိုင်ငံ​ရေးအကျဥ်းသား​တွေကို ​စစ်​ကောင်စီ၏ထောင်ပိုင်အပါအဝင် အရာရှိ​တွေက ခွဲခြားဆက်ဆံတာ၊ ဖိနှိပ်တာ၊ ခြိမ်း​ခြောက်တာ​တွေကို ပုံစံမျိုးစုံဖြင့်ကျူးလွန်​နေ​ကြောင်း မရတ်ချန်နယ် တီလီဂရန်နှင့် The Sentiment သတင်းဌာနတွင် ယမန်​နေ့က ​ဖော်ပြခဲ့သည်။

မုံရွာ အကျဥ်းထောင်အတွင်း နိုင်ငံရေး အကျဥ်းသားများအပေါ် ဖိနှိပ်မှုများနှင့် ပတ်သက်ပြီး အမျိုးသားညီညွတ်ရေး အစိုးရနှင့် သက်ဆိုင်ရာ အဖွဲ့အစည်းများထံသို့ လိုအပ်သလို တုန့်ပြန် အရေးယူမှုပြုရန် မုံရွာလူထုသပိတ်တိုက်ပွဲဦးဆောင်ကော်မတီကတိုင်ကြားထားသည်။

မုံရွာအကျဥ်းထောင်ထဲတွင် ထောင်ပိုင်ကြီး၊ ထောင်ပိုင်လေး၊ ထောင်မှုးများ အစရှိသော အကျဥ်းဦးစီးဌာနမှ ဝန်ထမ်းများသည် နိုင်ငံရေးအကျဥ်းသားများအပေါ် ဖိနှိပ်မှုများ ကျူးလွန်နေသည်ကိုသိရှိရကြောင်း၊ သို့ဖြစ်ပါ၍ မုံရွာအကျဥ်းထောင်အတွင်း ဖြစ်ပွားလျက်ရှိသော ထောင်တွင်းဖိနှိပ်မှုများအပေါ် လိုအပ်သလို တုံ့ပြန်ဆောင်ရွက်ပေးပါရန် လေးစားစွာအသိပေးအကြောင်းကြားအပ်ကြောင်း မုံရွာလူထုသပိတ်တိုက်ပွဲ ဦးဆောင်ကော်မတီက တင်ပြခဲ့သည်။

မုံရွာ အကျဥ်းထောင်အတွင်း ဖြစ်ပွားလျက်ရှိသော ထောင်တွင်း ဖိနှိပ်မှုများနှင့် ပတ်သက်ပြီး မုံရွာမြို့နယ် ပြည်သူ့အုပ်ချုပ်ရေးအဖွဲ့မှ တဆင့် အမျိုးသား ညီညွတ်ရေး အစိုးရ၏ ပြည်ထဲရေး ဝန်ကြီးဌာန၊ လူ့အခွင့်အရေးဝန်ကြီးဌာနတို့နှင့် အရပ်ဖက်အဖွဲ့အစည်းဖြစ်သည့် နိုင်ငံရေးအကျဥ်းသားများ ကူညီစောင့်ရှောက်ရေးအသင်း(AAPP) တို့ထံ အကျဥ်းထောင်အတွင်း ဖိနှိပ်မှုများနှင့် စပ်လျဥ်းပြီး လိုအပ်သလို တုံ့ပြန် အရေးယူ ဆောင်ရွက်ပေးပါရန် အသိပေး တိုင်ကြားထားပါကြောင်း မုံရွာလူထုသပိတ်တိုက်ပွဲ ဦးဆောင်ကော်မတီက အသိပေးသည်။

မုံရွာ​ထောင်မှာ နိုင်ငံ​ရေးအကျဥ်းသား​တွေကို ​စစ်​ကောင်စီ၏ထောင်ပိုင်အပါအဝင် အရာရှိ​တွေက ခွဲခြားဆက်ဆံတာ၊ ဖိနှိပ်တာ၊ ခြိမ်း​ခြောက်တာ​တွေကို ပုံစံမျိုးစုံဖြင့်ကျူးလွန်​နေ​ကြောင်း မရတ်ချန်နယ် တီလီဂရန်နှင့် The Sentiment သတင်းဌာနတွင် ယမန်​နေ့က ​ဖော်ပြခဲ့သည်။

Public Service Announcement

Public Service Announcement

ထို့အပြင် အပြည်ပြည်ဆိုင်ရာ ကြက်ခြေနီကော်မတီ(ICRC) ကိုလည်း မြန်မာနိုင်ငံအတွင်းရှိ အကျဥ်းထောင်များအတွင်းသို့ ICRC ကိုယ်တိုင်ကိုယ်ကျ သွားရောက်ကာ လူသားချင်းစာနာထောက်ထားမှု အကူအညီများ ပေးအပ်နိုင်ရေး၊ အကျဥ်းသား အခွင့်အရေးများ ရရှိခံစားနိုင်ရေးတို့နှင့် ထောင်တွင်း လူ့အခွင့်အရေး၊ အကျဥ်းသားအခွင့်အရေး ချိုးဖောက်ဖိနှိပ်မှုများကို စုံစမ်းစစ်ဆေး သွားနိုင်ရေးတို့အတွက် အမြဲမပြတ် တိုက်တွန်း တောင်းဆိုသွားမည် ဖြစ်ကြောင်း မုံရွာလူထုသပိတ်တိုက်ပွဲ ဦးဆောင်ကော်မတီက အသိပေးသည်။

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

အိုးဘိုအကျဥ်းထောင်၌ ထောင်ပိုင်အပါအဝင် ဝန်ထမ်းအချို့ နေရာပြောင်းခြင်း၊ အလုပ်ထုတ်ခြင်းများ ပြုလုပ်ပြီးနောက် နိုင်ကျဥ်းများကိုပါ ပြောင်းရွှေ့ခဲ့ခြင်းဖြစ်ကြောင်း PPNM က အသိပေးသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

သတင်း

အကျဥ်းသား ၁၀၀ကျော်အား အင်းစိန်၊ သာယာဝတီ၊ဒိုက်ဦးအစရှိသည့် အကျဥ်းထောင်များသို့ ပြောင်းရွှေ့မည်ဟု သတင်းများထွက်ပေါ်နေသော်လည်း အတည်ပြု၍မရသေးကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်ထံမှ သိရသည်။