ကချင်ပြည်နယ် မိုးညှင်းမြို့နယ်အတွင်း စစ်ရေးလှုပ်ရှားလာသည့် စစ်ကောင်စီတပ်ယာဉ်များကို ကချင်လွတ်လပ်ရေးတပ်မတော်(KIA)နှင့် ပြည်သူ့ကာကွယ်ရေးတပ်(PDF)တို့က တိုက်ခိုက်ခဲ့ကြောင်း KIA သတင်းနှင့်ပြန်ကြားရေးဌာနက သတင်းဖော်ပြသည်။
KIA တပ်မဟာ(၈) တပ်ရင်း (၃၅)နယ်မြေ မိုးညှင်းမြို့နယ် ပင်ဝေဒေသတွင် ယနေ့(ဇန်နဝါရီ ၂၇ရက်)နံနက်က စစ်ကားဖြင့် စစ်ရေးလှုပ်ရှားလာသည့် အာဏာသိမ်းစစ်ကောင်စီတပ်နှင့် တိုက်ပွဲ ဖြစ်ခဲ့သည်ဟု ဖော်ပြသည်။
အင်အား ၅၇ဦးခန့်ပါ စစ်အသုံးအဆောင်ပစ္စည်းများ၊ စားနပ်ရိက္ခာများတင်ဆောင်လာသော စစ်ကား ၂စီးကို KIAက တိုက်ခိုက်ခဲ့ခြင်းဖြစ်သည်ဟုဆိုသည်။
တိုက်ပွဲအပြီးတွင် စစ်ကားနှင့် စစ်အင်အားများ ဆက်တိုက် တိုးဝင်လာ၍ မော်လူးနှင့် မော်ဟန် ဒေသတွင် PDFနှင့် ထပ်မံတိုက်ပွဲဖြစ်ခဲ့သည်ဟု ဖော်ပြသည်။
အဆိုပါ တိုက်ခိုက်မှုများအတွင်း စစ်ကောင်စီတပ်မှ သေဆုံးထိခိုက်မှု၊ ယာဉ်များ ပျက်စီးမှုရှိမရှိကို ဖော်ပြမထားပေ။