စစ်ကောင်စီလက်ပါးစေသံရုံးက ဆွေးနွေးပွဲမကျင်းပရန် ကန့်ကွက်မှု အရာမထင်
ဥရောပသမဂ္ဂအဖွဲ့ဝင်နိုင်ငံဖြစ်သည့် ဩစတြီးယားအပါအဝင် နိုင်ငံတကာအသိုင်းအဝန်းက မြန်မာ့အကျပ်အတည်း ဝိုင်းဝန်းအဖြေရှာရေးဆွေးနွေးပွဲကို တက်ရောက်ဟောပြောရှင်းလင်းခဲ့ ကြောင်း အမျိုးသားညီညွတ်ရေးအစိုးရ NUG လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းက ပြောသည်။
ဩစတြီးယားနိုင်ငံ၊ မြို့တော်ဗီယင်နာရှိ Diplomatic Academy Vienna ၌ကျင်းပသော ဆွေး နွေးပွဲကို အကြမ်းဖက်စစ်ကောင်စီ လက်ပါးစေသံရုံးက ကန့်ကွက်ခဲ့သော်လည်း မြန်မာ ပြည်သူများနှင့်အတူ ရပ်တည်သော Diplomatic Academy Vienna က စီစဉ်ထားသည့်အတိုင်း ကျင်းပခဲ့ခြင်းဖြစ်သည်။
“ဒီနေ့ပြောဖြစ်ခဲ့တဲ့ ဆွေးနွေးပွဲပါ။ အီးယူအကြောင်း နိုင်ငံတကာအကြောင်းနဲ့ သြစတြီးယားနိုင်ငံအကြောင်းတွေနဲ့အတူ မြန်မာနိုင်ငံရေးကို ဘယ်လို ဝိုင်းဝန်းလုပ်ဆောင်ကြမလဲ ဆိုတာ တင်ပြဖြစ်ပါတယ်” ဟု ဝန်ကြီးဦးအောင်မျိုးမင်းက ပြည်သူလူထုကို အသိပေးထားသည်။
ဗီယင်နာသို့ ရောက်ရှိနေသည့် NUG ပြည်ထောင်စုဝန်ကြီး ဦးအောင်မျိုးမင်းသည် ဇန်နဝါရီ ၂၈ ရက်တွင် သြစတီးယားလွှတ်တော်ကိုယ်စားလှယ်များနှင့် တွေ့ဆုံပြီး အကြမ်းဖက်မြန်မာစစ်တပ်က ပြည်သူလူထုအပေါ် ရက်စက်ကြမ်းကြုတ်မှုများ တင်ပြဆွေးနွေးခဲ့သည်ဟု ဆိုသည်။
အဆိုပါဩစတြီးယားလွှတ်တော်ကိုယ်စားလှယ်များနှင့်တွေ့ဆုံပွဲသို့ ပါတီစုံမှ နိုင်ငံခြားရေးကော်မတီဝင်များတက်ရောက်ခဲ့ကြောင်း ဝန်ကြီးဦးအောင်မျိုးက ပြောသည်။
ထို့အပြင် လူ့အခွင့်အရေးဆိုင်ရာပြည်ထောင်စုဝန်ကြီးသည် အကြမ်းဖက်စစ်တပ်က မြန်မာပြည်သူများအပေါ် ပြင်းထန်သောလူ့အခွင့်အရေးချိုးဖောက်ကျူးလွန်နေမှုအခြေအနေများကို ဩစတြေးလျမီဒီယာများနှင့်တွေ့ဆုံပြောကြားခဲ့သည်။