Connect with us

Hi, what are you looking for?

LuduNwayOo

News

သမိုင်းဝင် ပြည်သူ့ညီလာခံတွင် ကိုယ်စားလှယ် ​၄၀၀ ဝန်းကျင်တက်​ရောက်

ပထမဆုံးအကြိမ်ပြုလုပ်​သော ပြည်သူ့ညီလာခံဖွင့်ပွဲကို အွန်လိုင်းမှ ဇန်နဝါရီ ၂၇ ရက်တွင်ပြုလုပ်ခဲ့ပြီး NUCC အဖွဲ့ဝင်များ၊ဖိတ်ကြားထား​သောပြည်တွင်းပြည်ပမှအထူးဧည်သည်များ၊ နိုင်ငံတကာသံရုံးများမှသံတမန်များလည်းတက်​ရောက်ခဲ့​ကြောင်းသိ့ရသည်။

အမျိုးသားညီညွတ်ရေးအတိုင်ပင်ခံကောင်စီ(NUCC)ကပြုလုပ်​သော ပထမအကြိမ် ပြည်သူ့ညီလာခံဖွင့်ပွဲတွင် တက်​ရောက်သူ​ကိုယ်စားလှယ် ၄၀၀ဝန်းကျင်ရှိ​ကြောင်းတက်​ရောက်သူအချို့က ပြောသည်။

ပထမဆုံးအကြိမ်ပြုလုပ်​သော ပြည်သူ့ညီလာခံဖွင့်ပွဲကို အွန်လိုင်းမှ ဇန်နဝါရီ ၂၇ ရက်တွင်ပြုလုပ်ခဲ့ပြီး NUCC အဖွဲ့ဝင်များ၊ဖိတ်ကြားထား​သောပြည်တွင်းပြည်ပမှအထူးဧည်သည်များ၊ နိုင်ငံတကာသံရုံးများမှသံတမန်များလည်းတက်​ရောက်ခဲ့​ကြောင်းသိ့ရသည်။

NUCC တွင်တိုင်းရင်းသားလက်နက်ကိုင်အဖွဲ့ ၈ ဖွဲ့အပါအဝင် ကိုယ်စားလှယ်အဖွဲ့​ပေါင်း ၂၈ ဖွဲ့ ထိ့စုစည်းမိ​နေပြီဖြစ်​ကြောင်း ၂၀၂၁ နှစ်ကုန်ပိုင်းတွင်​ပြုလုပ်​သောသတင်းစာရှင်းလင်း​ပွဲတွင်​ပြောကြားထားသည်။ ထူးခြားချက်မှာပြည်သူ့ညီလာခံဖွင့်ပွဲတွင် ပအိုဝ်းအမျိုးသားဖက်ဒရယ်ကောင်စီ ၊ တအာင်း(ပလောင်)အမျိုးသားအတိုင်ပင်ခံကောင်စီ ၊အရပ်ဖက်အဖွဲ့အစည်း ကိုယ်စားပြုသူများတက်​ရောက်မိန့်ခွန်း​ပြောကြားခဲ့သလို ၊ အထူးဧည်သည်​တော်အဖြစ် ရခိုင်အမျိုးသားကောင်စီ(ANC) မှကိုယ်စားလှယ်တက်​ရောက်မိန့်ခွန်း​ပြောခဲ့သည်ကိုလည်း​တွေ့ရသည်။

ထို​ကြောင့် ယခင် NUCC သတင်းစာရှင်းလင်းပွဲများတွင် မပါဝင်​သော အဖွဲ့များစွာ ပြည်သူ့ညီလာခံသို့ ပိုမိုတက်​ရောက်လာခဲ့ခြင်းဖြစ်သည်။

Public Service Announcement

Public Service Announcement

●သမိုင်းဝင်ပြည်သူညီလာခံမှာဘယ်သူ​တွေမိန့်ခွန်း​ပြောကြသလဲ

စစ်အာဏာရှင်စနစ် ဖြုတ်ချရန် ၊ဖက်ဒရယ်ဒီမိုက​ရေစီစနစ်ထူ​ထောင်ရန် ကြိုးပမ်းမှုတွင် နိုင်ငံ​ရေးအရ အမြင့်ဆုံးဦး​ဆောင်အဖွဲ့အစည်းဖြစ်​သော အမျိုးသားညီညွတ်ရေးအတိုင်ပင်ခံကောင်စီ(NUCC)ကပြုလုပ်​သော ပထမဆုံးအကြိမ်ပြည်သူ့ ညီလာခံဖွင့်ပွဲတွင် အွန်လိုင်းမှပြုလုပ်​သော်လည်းတက်​ရောက်သူများပြားသလို မိန့်ခွန်း​ပြောကြားသူလည်း ၂၂ ဦးရှိသည်။မိန့်ခွန်း​ပြောကြားခဲ့​သည့် ကိုယ်စားလှယ်များမှာ

၁ – NUCCကိုယ်စား နွေဦးတော်လှန်ရေး သပိတ်အင်အားစုများ၏ ကိုယ်စားလှယ် မုံရွာလူထုသပိတ်တိုက်ပွဲ ဦးဆောင်ကော်မတီ အဖွဲ့ဝင် ကိုခန့်ဝေဖြိုး

၂ – NUCCကိုယ်စား နွေဦးတော်လှန်ရေး CDM အင်အားစုများ၏ ကိုယ်စားလှယ် ဆရာကိုနောင်ချို

၃ – ရွေးကောက်ခံလွှတ်တော်ကိုယ်စားလှယ်များအစုအဖွဲ့မှ ပြည်ထောင်စုလွှတ်တော်ကိုယ်စားပြုကော်မတီ(CRPH) ဥက္ကဋ္ဌ ဦးအောင်ကြည်ညွန့်

၄ – တိုင်းရင်းသားတော်လှန်ရေးအဖွဲ့အစည်းများကိုယ်စား ကရင်နီအမျိုးသားတိုးတက်ရေးပါတီ(KNPP) ဥက္ကဋ္ဌ ခူဦးရယ်

၅ – သပိတ်ကော်မတီများ၊ CDM အင်အားစုများ၊ CSOများ အစရှိသည့် နွေဦးတော်လှန်ရေးအင်အားစုများ ကိုယ်စား ဦးမင်းကိုနိုင်

၆ – နွေဦးတော်လှန်ရေးအင်အားစုများ GSCB မှ မအေးမြင့်အောင်​အောင်

၇ – ပြည်နယ် လူမျိုးအခြေပြု အတိုင်ပင်ခံကောင်စီ အစုအဖွဲ့မှ ပအိုဝ်းအမျိုးသားဖက်ဒရယ်ကောင်စီဥက္ကဋ္ဌ ခွန်မြင့်ထွန်း

၈ – နိုင်ငံရေးပါတီအစုအဖွဲ့မှ အမျိုးသားဒီမိုကရေစီအဖွဲ့ချုပ် အရံဗဟိုအလုပ်အမှုဆောင်အဖွဲ့ဝင် ဒေါက်တာခင်ဆောင်

၉ – အထူးဖိတ်ကြားထားသည့် အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလာ

၁၀ – အရပ်ဘက်အဖွဲ့အစည်းများ ကိုယ်စား ရပ်ဝန်းသစ်အဖွဲ့မှ Zနန်ရော်

၁၁ – အထူးဖိတ်ကြားထားသည့် အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်း

၁၂ – ကြားကာလချင်းအမျိုးသားအတိုင်ပင်ခံကောင်စီ ကိုယ်စား ချင်းအမျိုးသားတပ်ဦး(CNF) ဥက္ကဋ္ဌ ပူးဇင်ကျုံး

၁၃ – အထူးဖိတ်ကြားထားသည့် ရခိုင်အမျိုးသားကောင်စီ(ANC) ဥက္ကဋ္ဌ ဗိုလ်မှူးကြီးမင်းထွန်း

၁၄ – အထူးဖိတ်ကြားထားသည့် အမျိုးသမီးများအဖွဲ့ချုပ်(WLB) အထွေထွေအတွင်းရေးမှူး နော်ဆဲဆဲ

၁၅ – မွန်ပြည်နယ် ကြားကာလပူးပေါင်းဆောင်ရွက်ရေးကော်မတီမှ နိုင်သု၀ဏ္ဏ

၁၆ – အထူးဖိတ်ကြားထာသည့် ဧည့်သည်တော် ကုလသမဂ္ဂမြန်မာနိူင်ငံဆိုင်ရာလူ့အခွင့်အ​ရေး​ကြေညာစာတမ်းတင်သွင်းသူ မစ္စတာတွမ်အင်ဒရူး

၁၇ – အထွေထွေသပိတ်ပူးပေါင်းဆောင်ရွက်ရေးကော်မတီ ကိုနန်းလင်း

၁၈ – လူထုအခြေပြု အထွေထွေသပိတ်ကော်မတီမှ မသဉ္ဇာရွှန်းလဲ့ရည်

၁၉-လူမျိုးပေါင်းစုံအထွေထွေသပိတ်ကော်မတီမှ ဆလိုင်းဝီလျန်

၂၀ – တအာင်း(ပလောင်)အမျိုးသားအတိုင်ပင်ခံကောင်စီမှ မိုင်းနိုင်အောင်မိုး

၂၁ – အထူးဖိတ်ကြားထာသည့်International Trade Union Confederation အထွေထွေအတွင်းရေးမှူးချုပ် မစ္စရှာရန်ဘူရို

၂၂ – အလုပ်သမားများသမဂ္ဂကိုယ်စား ဦးနန္ဒစစ်အောင် တို့က အသီးသီးမိန့်ခွန်း​ပြောကြားခဲ့ကြခြင်းဖြစ်သည်။

ညီလာခံတွင် အချက် ၃ ချက်အဓိကဆွေးနွေးဆုံးဖြတ်မည်

NUCC တွင် CRPH အပါအဝင် ရွေးကောက်ပွဲလွှတ်တော်ကိုယ်စား လှယ်များအစုအဖွဲ့၊ နိုင်ငံရေးပါတီများ၊ သမဂ္ဂများ၊ အမျိုးသမီးများ၊ လူငယ်နှင့် လူနည်းစုဆိုင်ရာ အဖွဲ့အစည်းများ၊ အရပ်ဖက်အဖွဲ့အစည်းများ၊ နိုင်ငံ့ဝန်ထမ်း CDM များ၊ CDM လှုပ်ရှားမှုဆိုင်ရာ အဖွဲ့အစည်းများ၊ လူထုသပိတ်လှုပ်ရှားမှုဆိုင်ရာအဖွဲ့အစည်းများ၊ တိုင်းရင်းသားတော်လှန်ရေးအဖွဲ့အစည်းများ၊ ကြားကာလ ပြည်နယ်ဖက်ဒရယ်ယူနစ်ကိုယ်စားပြုကော်မတီဝင်များ ပါဝင်သည်။

ဇန်နဝါရီ ၂၇ ရက်မှ ယ​နေ့အထိ့ (ဇန်နဝါရီ ၂၉) ကျင်းပ​နေ​သောပထမအကြိမ် ပြည်သူ့ညီလာခံတွင် NUCC က ၁၀ လကျော် အချိန်ယူပြင်ဆင်ရေးဆွဲခဲ့သည့် ဖက်ဒရယ်ချာတာကိုအတည်ပြုရေး၊ NUCC လုပ်ငန်းလမ်းညွှန်၊ ဖွဲ့စည်းခြင်းကို အတည်ပြုရေး နှင့် NUG အစိုးရအဖွဲ့ကို အတည်ပြုရေး စသည့် လုပ်ငန်းစဉ် ၃ ရပ်ကို အဓိကဆွေးနွေးဆုံးဖြတ်မည်ဖြစ်သည်။

ညီလာခံ​မှာယ​နေ့ပြီးဆုံးမည်ဖြစ်ပြီး သတင်းစာရှင်းလင်းပွဲကို ဇန်နဝါရီ ၃၀ တွင်ပြုလုပ်မည်ဖြစ်သည်။

ညီလာခံဖွင့်ပွဲအခမ်းအနားမိန်းခွန်းများကိုအပြည့်အစုံကြည့်ရှုလို့ပါက ​​အောက်ပါလင့်တွင်ကြည့်ရှုနိုင်ပါသည်။

https://fb.watch/aQOQeMkpXk/

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

NUCCက အသိအမှတ်ပြု စုဖွဲ့ထားသည့် ကြားကာလ ချင်းအမျိုးသားအတိုင်ပင်ခံကောင်စီ(ICNCC) လည်းရှိနေသေးကြောင်းချင်းညီနောင်က ပြောသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။