ပူတာအိုခရိုင် ပြည်သူ့ကာကွယ်ရေးတပ်(PDF)နှင့် ကချင်လွတ်လပ်ရေးတပ်မတော်(KIA) ပူးပေါင်းအဖွဲ့တို့ နောင်မွန်မြို့နယ်သို့ တက်လာပြီဖြစ်၍ စစ်ကောင်စီတပ်နှင့် ပြည်သူ့စစ်ပူးပေါင်းထိုင်သည့် မဂွေဇဂိတ် သတိထားရန် ပူတာအို PDFက ယနေ့ သတိပေးထုတ်ပြန်သည်။
နောင်မွန်မြို့နယ်အထွေထွေအုပ်ချုပ်ရေး တာဝန်ရှိသူများ ပြည်သူလူထုများကို စိတ်အနှောက်အယှက်ဖြစ်သေည့် ကိစ္စရပ်များမလုပ်ရန် သတိပေးချက် ထုတ်ပြန်ရာတွင် စစ်ကောင်စီတပ်၏ မဂွေဇဂိတ်ကိုပါ သတိပေးလိုက်ခြင်းဖြစ်သည်။
အာဏာဖီဆန်ရေးလှုပ်ရှားမှု (CDM) ပြုလုပ်ထားသည့် ဝန်ထမ်းများအား ဖမ်းဆီးခြင်း လုံး၀ မလုပ်ရန်လည်း ပူတာအို PDFက သတိပေးသည်။ ယခုကဲ့သို့ စာထုတ်ပြန်သည့် နေ့ရက်မှစ၍ ၃ရက်အတွင်း သတိပေးစောင့်ကြည့်မည်ဟုလည်း ဖော်ပြထားသည်။
ပူတာအို PDFနှင့် KIA တို့သည် ယမန်နေ့ကလည်း ပူတာအိုမြို့နယ် ဆွမ်ပီယာန် ကျေးရွာရှိ စစ်ကောင်စီတပ်စခန်းကို တိုက်ခိုက်သိမ်းပိုက်မီးရှို့ခဲ့သည်။
Public Service Announcement
အဆိုပါ စခန်းသိမ်းတိုက်ပွဲ၌ စစ်ကောင်စီတပ်သား တစ်ဦး ဖမ်းမိပြီး လက်နက်ခဲယမ်းများ ရရှိခဲ့သည်။
