တိုက်ခိုက်မှုများကို ယမန်နေ့(ဖေဖော်ဝါရီ ၁)တစ်ရက်တည်းတွင် မှော်ဘီ၊ ရွှေပြည်သာ၊ တာမွေနှင့် ဒေါပုံမြို့နယ်များတွင် ပြုလုပ်ခဲ့ခြင်းဖြစ်ပြီး ရဲတပ်ရင်း၊ ရဲစခန်းနှင့် ရဲကင်းစသည်တို့ကို ပစ်မှတ်ထားတိုက်ခိုက်ခဲ့ခြင်းဖြစ် ကြောင်း ထုတ်ပြန်ချက်အရ သိရသည်။
မှော်ဘီ
မှော်ဘီမြို့၊ မြောင်းတကာကျေးရွာ စခန်းဟောင်းအနီးရှိ ရဲကင်းအား ယမန်နေ့နံနက် ၆ နာရီတွင် တိုက်ခိုက်ခဲ့ကာ အလားတူ ရဲစခန်းဝန်ထမ်းအိမ်ယာအနီး ရဲကင်းအား ၆ နာရီ မိနစ်၂၀တွင် ဖောက်ခွဲတိုက်ခိုက်ခဲ့သည်ဟု ထုတ်ပြန် သည်။
ရွှေပြည်သာ
Public Service Announcement
ရွှေပြည်သာမြို့နယ်တွင်လည်း တိုက်ခိုက်မှု ၃ ကြိမ်ပြုလုပ်ခဲ့ရာ We Love Care ပရဟိတအယောင် ဆောင်အဖွဲ့ရှိ စစ်ကောင်စီတပ်ဖွဲ့ဝင်များအား နံနက် ၈ နာရီခွဲတွင် တစ်ကြိမ်၊ ၉ နာရီတွင် တစ်ကြိမ် ဗုံးခွဲတိုက်ခိုက်ခဲ့သည်ဟု ပြည်သူ့အင်အားစုအဖွဲ့က ဖော်ပြသည်။
ထို့အပြင် ရွှေပြည်သာ လှော်ကားတာဆုံအနီးရှိရဲတပ်ရင်း(၁)သင်တန်းကျောင်းနှင့် Dagon Beverages ကုမ္ပဏီတို့အား ညနေ ၆ နာရီ ၅၅မိနစ် ခန့်တွင် ၄၀ (မမ)ဗုံးသီးနှစ်လုံးဖြင့် ပစ်ခတ်တိုက်ခိုက်ခဲ့သည်ဟု ထုတ်ပြန်ချက်က ဆိုသည်။
တာမွေ
အလားတူ တာမွေမြို့နယ် စခန်း(၄၀)ရဲစခန်းအား ယမန်နေ့နံနက် ၈ နာရီ ၅၀ တွင် တစ်ကြိမ်၊ ၈ နာရီ ၅၅မိနစ်တွင် တစ်ကြိမ်ဖြင့် နှစ်ကြိမ်တိုက်ခိုက်ခဲ့ကြောင်း ရန်ကုန်တိုင်း ပြည်သူ့အင်အားစုက အသိ ပေးသည်။
ထိုဖောက်ခွဲတိုက်ခိုက်မှုကို ရန်ကုန်တိုင်း ပြည်သူ့အင်အားစုနှင့် Yangon People Defence Force (Bahan)ပူးပေါင်းတိုက်ခိုက်ခဲ့ခြင်း ဖြစ်သည်။
ဒေါပုံ
ဒေါပုံမြို့နယ်၌မူ အောင်မေတ္တာလမ်းရှိ Mytel တာဝါတိုင်အစောင့်စစ်သား ခြောက်ဦးအား ၆ နာရီ ၅၀မိနစ် တွင် လက်ပစ်ဗုံးဖြင့် ပစ်ခတ်တိုက်ခိုက်ခဲ့ကြောင်း ထုတ်ပြန်ထားသည်။
အထက်ပါတိုက်ခိုက်မှုများတွင် စစ်ကောင်စီတပ်နှင့် ၎င်း၏ထောက်တိုင်များ ထိခိုက်သေဆုံးမှုရှိ၊ မရှိကို ရန်ကုန်တိုင်းပြည်သူ့အင်အားစုက ဖော်ပြထားခြင်း မရှိပေ။
