ပုလိပ်မြို့ရှိ စစ်ကောင်စီထောက်တိုင် BOC စက်သုံးဆီအရောင်းဆိုင်အား မိုင်းဖြင့်ဖောက်ခွဲတိုက်ခိုက်ခဲ့ကြောင်း မြို့ပြပျောက်ကျားတပ်ဖွဲ့ Mandalay Ranger Force
(MRF)က ယနေ့ (ဖေဖော်ဝါရီ ၄)ထုတ်ပြန်သည်။
အဆိုပါတိုက်ခိုက်မှုကို ဖေဖော်ဝါရီ ၁ ရက်က ပြုလုပ်ခဲ့ခြင်းဖြစ်ပြီး BOC ဆီဆိုင်သည် စစ် တပ်ထောက်တိုင်အဖြစ် ရပ်တည်နေသောကြောင့် ဆိုင်ကိုသာအဓိကထား တိုက်ခိုက်ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ဝန်ထမ်းများကိုရှောင်ခိုင်းပြီးမှ ပြုလုပ်ခဲ့ခြင်းဖြစ်ပါတယ်”ဟု MRF က အသိပေးသည်။
အထက်ပါတိုက်ခိုက်မှုကို အနက်ရောင်သေမင်း အဖွဲ့၊ Kyaukse District Alliances(KDA)နှင့် MandalayRanger Force အဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်ပြီး အကြမ်းဖက်စစ်ကောင်စီနှင့် ထောက်တိုင်များကို ဆက်လက်တိုက်ခိုက်သွားမည်ဖြစ်ကြောင်း ထုတ်ပြန်ထားသည်။
Public Service Announcement
